जयपूर : सोमवारी (२८ एप्रिल) रात्री उशिरा जयपूरमध्ये एका अल्पवयीन मुलीचा(girl) हिट अँड रनमध्ये मृत्यू झाला. ती तिच्या वडिलांसोबत आणि चुलत बहिणीसोबत बाईकवरून घरी जात असताना दारू पिऊन गाडी चालवणाऱ्या एका महिलेने मागून दुचाकीला धडक दिली आणि चुकीच्या बाजूने पळून गेली. पोलिसांनी पाठलाग करून गाडी चालवणाऱ्या महिलेला पकडले. पोलिसांनी मृता मुलीचे एसएमएस रुग्णालयात पोस्टमॉर्टम केले. दरम्यान, जखमी वडील आणि बहिणीवर उपचार सुरू आहेत.
एसएसओ राजेश बाफना म्हणाले की, चार दिवारी येथील रहिवासी (girl)असीमा (१४) हिचा अपघातात मृत्यू झाला. ती तिचे वडील इस्लामुद्दीन आणि ६ वर्षांच्या चुलत बहिणीसोबत दुचाकीवरून घरी परतत होती. रात्री १२.२० च्या सुमारास, जयपुरच्या सांगानेर गेटजवळून जात असताना, यादगर बाजूने येणाऱ्या एका भरधाव कारने त्यांना मागून धडक दिली. ही धडक इतकी जोरदार होती की दुचाकीसह तिघेही रस्त्यावर दुरवर फेकले गेले.
अपघातानंतर, गाडी चालवणाऱ्या महिलेने चुकीच्या बाजूने गाडी नेत काही अंतरावर असलेल्या एका अ‍ॅक्टिव्हा स्वाराला धडक दिली आणि पुढे निघून गेली. या धडकेत अ‍ॅक्टिव्हा चालकाला किरकोळ दुखापत झाली. अपघातानंतर पळून गेलेल्या कारचा पोलिसांनी पाठलाग केला आणि घाटगेटजवळ त्या महिलेला पकडण्यात आले.
पोलिसांनी अपघातातील तिघांनाही तातडीने एसएमएस रुग्णालयात दाखल केले. डोक्याला गंभीर दुखापत झाल्याने आसिमाचा उपचारादरम्यान मृत्यू झाला. हिट अँड रननंतर पळून गेलेल्या कार चालक महिलेला पकडताच लोकांनी तीला घेरले. पोलिसांनी मध्यस्थी करुन प्रकरण शांत केले. पोलिसांनी गाडी जप्त केली आणि महिलेला पोलिस ठाण्यात आणले.
पोलिस तपासादरम्यान, महिलेची वैद्यकीय तपासणी केल्यानंतर महिला मद्यधुंद अवस्थेत आढळली. पोलिसांनी कार जप्त केली आणि नागपूर येथील रहिवासी असलेल्या महिला चालक संस्कृतीला अटक केली.
कुटुंबातील सदस्यांसह मोठ्या संख्येने लोकांनी लालकोठी पोलिस ठाण्याला घेराव घातला. त्यांनी नुकसानभरपाईची मागणी करत निदर्शने केली आणि पोलिस ठाण्यात ठाण मांडले. आमदार रफिक खान आणि इतर उच्च पोलिस अधिकाऱ्यांनी सर्व लोकांना हे प्रकरण समजावून सांगितले. त्यानंतर कुटुंबीयांनी मृतदेहाचे शवविच्छेदन करण्यास सहमती दर्शवली. याप्रकरणी लालकोठी पोलिस ठाण्यात गुन्हाही दाखल करण्यात आला आहे.
हेही वाचा :
इचलकरंजीत बिअर न मिळाल्याने गोंधळ; सहा जणांविरुद्ध गुन्हा दाखल
Malaika Aroraच्या अडचणी वाढणार? कोर्टाचा अजामीनपात्र वॉरंट बजावण्याचा इशारा
रेशनकार्ड धारकांसाठी महत्त्वाची बातमी! आजपासून ‘या’ नागरिकांचं स्वस्त धान्य बंद होणार
