उन्हाळ्यात कोल्ड ड्रिंक पिण्याकडे लोकांचा कल जास्त असतो.(drinks) एखादा कार्यक्रम असो किंवा घरी पाहुणे आले असता कोल्ड ड्रिंक दिले जाते. काही लोकांना कोल्ड ड्रिंकसोबत चिप्स खाण्याची आवड असते, पण तुम्हाला माहिती आहे का की हे कॉम्बिनेशन आरोग्याला हानी पोहोचवू शकते? असे का घडते, हे जाणून घेण्यासाठी आम्ही दिल्ली एम्सच्या चीफ डायटिशियन डॉ. परमीत कौर यांच्याशी संवाद साधला.
डॉ. कौर सांगतात की, सध्या देशातील अनेक राज्यांमध्ये प्रचंड उष्णता जाणवत आहे (drinks) आणि उष्माघाताचा धोकाही आहे. अशा परिस्थितीत आरोग्याची काळजी घेणे अत्यंत आवश्यक आहे. या ऋतूत तुम्हाला खाण्यापिण्यावर विशेष लक्ष द्यावे लागेल. शरीर हायड्रेट ठेवण्यासाठी लिक्विड डाएट घेत राहणे गरजेचे आहे. मात्र या दिवसात कोल्ड ड्रिंकसोबत चिप्स खाणे टाळावे. याचे कारण असे की, सामान्यतः लोकांना वाटते की कोल्ड ड्रिंक पिल्याने त्यांची तहान भागते, परंतु प्रत्यक्षात कोल्ड ड्रिंक शरीराला डिहायड्रेट (पाणी कमी होणे) करू शकते. कोल्ड ड्रिंकमध्ये साखरेचे प्रमाण जास्त असते. जे लोक यासोबत चिप्स खातात, त्यांच्या शरीरातील पाण्याचे प्रमाण अधिक कमी होऊ शकते आणि इलेक्ट्रोलाइट्सचा समतोल बिघडू शकतो.
डॉ. परमीत सांगतात की, उन्हाळ्यात शरीराला हायड्रेशनची गरज असते,(drinks) मात्र कोल्ड ड्रिंक तहान भागवण्याऐवजी अनेकदा डिहायड्रेशन वाढवू शकते. त्यातील कॅफिन आणि अति साखर शरीरातील पाणी शोषून घेऊ शकतात. दुसरीकडे, चिप्समध्ये मोठ्या प्रमाणात मीठ आणि ट्रान्स फॅट असते, जे आरोग्यासाठी चांगले मानले जात नाही. यांच्या नियमित सेवनाने लठ्ठपणा वाढण्याचा धोका असू शकतो.
-कोल्ड ड्रिंकऐवजी शहाळ्याचे पाणी नारळ पाणी किंवा लिंबू पाणी पिणे उत्तम आहे.
-सर्वात चांगला पर्याय म्हणजे तुम्ही घरीच ओआरएस तयार करू शकता. यासाठी १ लिटर पाण्यात ६ चमचे साखर आणि अर्धा चमचे मीठ टाकून ते मिश्रण दिवसभरात थोड्या थोड्या अंतराने पित राहा.
-या ऋतूत तहान लागलेली नसली तरीही पाणी पित राहा, जेणेकरून शरीर हायड्रेट राहील.
याशिवाय, चिप्सऐवजी तुम्ही भाजलेले मखाणे खाऊ शकता. तसेच या ऋतूत येणारी फळे जसे की टरबूज आणि खरबूज खाणे अत्यंत फायदेशीर आहे.
हेही वाचा
हिंदू तरूणीचे अपहरण, ५ दिवस घरात डांबून ठेवले; ‘लव्ह जिहाद’ने महाराष्ट्र हादरला
बारावीच्या विद्यार्थ्यांसाठी महत्त्वाची बातमी! MHT CET परीक्षांच्या तारखा जाहीर