महाराष्ट्रातील पाच ज्योतिर्लिंगांपैकी एक असलेल्या पुणे जिल्ह्यातील (temple) श्री क्षेत्र भीमाशंकर मंदिराबाबत भाविकांसाठी अत्यंत महत्त्वाची माहिती समोर आली आहे. मंदिर प्रशासनाने घेतलेल्या निर्णयानुसार 1 जानेवारी 2026 पासून पुढील तीन महिने मंदिर दर्शनासाठी बंद राहणार आहे. देशभरातून दरवर्षी लाखो भाविक दर्शनासाठी येत असल्याने नवीन वर्ष किंवा सुट्ट्यांच्या काळात दर्शनाची योजना करणाऱ्यांनी ही सूचना गांभीर्याने घेणे आवश्यक आहे. मंदिर परिसरात प्रस्तावित विकासकामे आणि भाविकांच्या सुरक्षेच्या दृष्टीने हा निर्णय घेण्यात आला आहे. भीमाशंकर हे बारा ज्योतिर्लिंगांपैकी एक असल्यामुळे येथे दररोज मोठ्या प्रमाणात गर्दी असते. विशेषतः ख्रिसमस आणि नववर्षाच्या काळात भाविकांची संख्या लक्षणीयरीत्या वाढते, त्यामुळे बांधकाम काळात दर्शन बंद ठेवण्याचा निर्णय प्रशासनाने घेतला आहे.
मंदिर प्रशासनाच्या माहितीनुसार 1 जानेवारी 2026 पासून (temple) भीमाशंकर मंदिर दर्शनासाठी बंद ठेवले जाणार आहे. हा बंद कालावधी सुमारे तीन महिन्यांचा असणार असून या काळात मुख्य मंदिरात भाविकांना प्रवेश दिला जाणार नाही. मात्र 1 जानेवारीपूर्वी भाविकांना नियमितपणे दर्शन घेता येणार आहे. त्यामुळे वर्षअखेरीस दर्शनाची योजना आखणाऱ्यांनी त्यानुसार नियोजन करावे, असे आवाहन करण्यात आले आहे.तीन महिन्यांच्या या कालावधीत मंदिर परिसरात मोठ्या प्रमाणावर बांधकाम व दुरुस्तीची कामे सुरू राहणार आहेत. त्यामुळे भाविकांच्या सुरक्षेला धोका निर्माण होऊ नये, यासाठी दर्शन तात्पुरते बंद ठेवण्याचा निर्णय आवश्यक ठरल्याचे प्रशासनाकडून सांगण्यात आले आहे.
नवीन विकास आराखड्यानुसार मुख्य मंदिराच्या सभामंडपाचे(temple) नूतनीकरण, पायाभूत सुविधांमध्ये सुधारणा, भाविकांसाठी सोयीसुविधा वाढवणे तसेच सुरक्षिततेशी संबंधित विविध कामे केली जाणार आहेत. या काळात यंत्रसामग्री, बांधकाम साहित्य आणि कामगारांची मोठी वर्दळ असणार असल्याने भाविकांचा प्रवेश धोकादायक ठरू शकतो.भाविकांची सुरक्षितता हे सर्वोच्च प्राधान्य मानूनच हा निर्णय घेण्यात आला असल्याचे मंदिर प्रशासनाने स्पष्ट केले आहे. तीन महिन्यांचा कालावधी पूर्ण झाल्यानंतर मंदिर पुन्हा भाविकांसाठी खुले करण्यात येणार असून विकासकामांनंतर भाविकांना अधिक सुरक्षित, सुव्यवस्थित आणि सोयीस्कर दर्शनाचा अनुभव मिळेल, असा विश्वास प्रशासनाने व्यक्त केला आहे.
हेही वाचा :
नवीन वर्षात गृहिणींना मोठं गिफ्ट! गॅस सिलेंडरच्या किमती कमी होणार?
भारताच्या या राज्यात दारूच्या बाटल्यांना ‘Z+’ सुरक्षा, कारण काय?
‘3 इडियट्स’नंतर आता ‘4 इडियट्स’; आमिर खानच्या चित्रपटात चौथ्याEditEditEdit