मुंबईतून एक धक्कादायक बातमी समोर आली आहे. (hydrogen) गोरेगाव (पश्चिम) येथील पेट्रोल पंपासमोर असलेल्या अनमोल टॉवर या इमारतीच्या लिफ्टमध्ये हायड्रोजन गॅसने भरलेल्या फुग्यांचा भीषण स्फोट झाला. या स्फोटामध्ये 3 जण भाजले आहे. अंगावर शहारे आणणारा हा सगळा प्रकार सीसीटीव्ही कॅमेऱ्यात कैद झाला आहे. या घटनेचा व्हिडिओ सोशल मीडियावर व्हायरल झाला आहे. या घटनेतील जखमींमध्ये दोन तरूण आणि एका तरूणीचा समावेश आहे. याबाबत सविस्तर माहिती जाणून घेऊयात.
समोर आलेल्या माहितीनुसार, मुंबईतील गोरेगाव पश्चिम येथे 2 फेब्रुवारी रोजी ही घटना (hydrogen) घडली आहे. गोरेगाव पश्चिम भागात अनमोल टॉवर नावाची इमारत आहे. या इमारतीत वाढदिवसाची पार्टी होती. त्यामुळे सजावटीचं काम सुरू होतं. लिफ्टमधून एक महिला जात होती. त्यावेळी सजावट करणारा एक तरुण हायड्रोजनने भरलेले फुगे घेऊन जाण्यासाठी लिफ्टमध्ये आला. लिफ्टमध्ये आल्यानंतर अवघ्या काही सेकंदात अचानक फुग्यांचा भीषण असा स्फोट झाला.
हा स्फोट इतका भीषण होता की, आगीच्या ज्वाळाने लिफ्ट व्यापून गेली होती. सुदैवाने (hydrogen) लिफ्टचं दार बंद झालं नव्हतं, त्यामुळे लिफ्टमधील तिघा जणांनी बाहेर पळ काढला. हा सगळा प्रकार लिफ्टमधील सीसीटीव्ही कॅमेऱ्यात कैद झाला आहे. सुदैवाने वेळीच लिफ्टमधील तिघेजण बाहेर पडले. पण, या आगीत तिघेही होरपळले. सुदैवाने या घटनेत कोणतीही जीवतहानी झाली नाही.
हायड्रोजन (hydrogen) फुग्यांचा स्फोट होण्याचे मुख्य कारण म्हणजे हायड्रोजन हा अत्यंत ज्वलनशील वायू आहे, जो हवेतील ऑक्सिजनच्या संपर्कात आल्यावर उष्णता किंवा ठिणगीमुळे त्वरित पेट घेतो. यानंतर लगेच मोठा स्फोट होतो. हायड्रोजन वायू पेटण्यासाठी खूप कमी उर्जेची आवश्यकता असते. फुगा फुटल्यावर त्यातील हायड्रोजन हवेतील ऑक्सिजनशी त्वरित मिसळतो आणि एक स्फोटक मिश्रण तयार होते, ज्यामुळे मोठा धमाका होतो. मेणबत्ती, सिगारेटची ठिणगी किंवा अगदी घर्षणामुळे होणारी छोटी ठिणगी हायड्रोजनला पेटवण्यासाठी पुरेशी असते. त्यामुळे हे फुगे अत्यंत सावधपणे हाताळणे गरजेचे आहे.
हेही वाचा :
महाराष्ट्रातील ग्रामपंचायतींच्या निवडणुका कधी होणार? तारखेबाबत महत्वाची अपडेट समोर
पुढील तीन दिवसांत पावसाचा अंदाज; ढगाळ हवामानामुळे थंडीत वाढ
पुढील तीन दिवसांत पावसाचा अंदाज; ढगाळ हवामानामुळे थंडीत वाढप