मराठी चित्रपटसृष्टीतील ज्येष्ठ अभिनेते अशोक सराफ यांनी अलीकडेच (veteran actor) दिलेल्या एका मुलाखतीत अभिनेता सचिन पिळगांवकर यांच्यावर होणाऱ्या ट्रोलिंगबाबत तीव्र शब्दांत नाराजी व्यक्त केली आहे. सोशल मीडियावर काही वक्तव्यांमुळे सचिन पिळगांवकर यांना वारंवार लक्ष्य केलं जात असल्याच्या पार्श्वभूमीवर सराफ यांनी ट्रोलर्सना सुनावलं आहे.
‘मुंबई तक’ला दिलेल्या मुलाखतीत बोलताना अशोक सराफ म्हणाले की, सचिन यांनी आज जे स्थान मिळवलं आहे ते त्यांच्या अथक परिश्रमामुळे. लहान वयापासूनच त्यांनी अभिनयासोबत दिग्दर्शन, सहाय्यक दिग्दर्शक म्हणून काम केलं. संगीत, एडिटिंग यांसारख्या तांत्रिक बाबींचाही त्यांनी सखोल अभ्यास केला आहे.
“त्यांच्या ज्ञानावर बोट ठेवण्याची हिंमत कुणाची आहे का?” असा सवालही (veteran actor) त्यांनी उपस्थित केला. ट्रोल करणाऱ्यांना एखाद्या कलाकाराने केलेल्या संघर्षाची जाणीव नसते, असे ते म्हणाले.
सराफ यांनी पुढे सांगितले की काही लोक मुद्दाम एखाद्या वक्तव्याची वाट पाहत बसतात आणि संदर्भ तोडून ट्रोलिंग सुरू करतात. मात्र ज्या व्यक्तीवर टीका केली जाते, त्या व्यक्तीच्या कर्तृत्वाशी तुलना करण्याचीही पात्रता अनेकांकडे नसते, असे त्यांनी स्पष्ट केले. आजकाल ट्रोलिंग हा काही लोकांचा फावल्या वेळेचा छंद झाला असल्याची खंतही त्यांनी व्यक्त केली.
अशोक सराफ आणि सचिन पिळगांवकर यांची मैत्री (veteran actor) अनेक दशकांपासूनची आहे. १९८० साली प्रदर्शित झालेल्या चोरावर मोर या चित्रपटातून दोघांनी पहिल्यांदा एकत्र काम केले. या चित्रपटाच्या चित्रीकरणादरम्यान अशोक सराफ आणि सचिन यांचे वडील शरद पिळगांवकर यांच्यातही जिव्हाळ्याचे संबंध निर्माण झाले. शरद यांच्या निधनानंतर अशोक सराफ यांनी सचिन यांना मोठ्या भावासारखा आधार दिला. आजही दोघांमधील मैत्री आणि परस्परांविषयीचा आदर कायम असल्याचे या मुलाखतीतून पुन्हा एकदा स्पष्ट झाले आहे.
हेही वाचा :
महेंद्रसिंह धोनीवर मोठा अन्याय, सत्य समजताच येईल संताप, खळबळजनक माहिती समोर!
मोठी बातमी! बीजेपीचा बांगलादेशमध्ये झेंडा, लोकसभेची एक जागा जिंकली