‘सैराट’ या गाजलेल्या मराठी चित्रपटातून बाळ्या ही भूमिका साकारत घराघरात पोहोचलेला (popular) अभिनेता तानाजी गळगुंडे सध्या पुन्हा एकदा चर्चेत आला आहे. नुकत्याच दिलेल्या एका मुलाखतीत त्याने आपल्या अभिनयाच्या प्रवासासोबतच आयुष्यात आलेले चढ-उतार, आर्थिक अडचणी आणि त्यातून घेतलेले धडे याविषयी मनमोकळेपणाने भाष्य केले आहे.
सैराटनंतर अचानक मिळालेली प्रचंड लोकप्रियता आणि पैसा यासाठी आपण मानसिक व आर्थिकदृष्ट्या तयार नव्हतो, असे तानाजीने स्पष्टपणे सांगितले. चित्रपटाच्या यशानंतर हातात चांगले पैसे आले होते, मात्र त्या पैशांचे योग्य नियोजन कसे करावे याची कोणतीही माहिती नव्हती, अशी कबुली त्याने दिली. आर्थिक अज्ञानामुळे आपण मोठी चूक केल्याचेही त्याने मान्य केले.
त्या काळात जवळचे मित्र म्हणून ओळखले (popular) जाणाऱ्या काही लोकांनी आपला गैरफायदा घेतल्याचा अनुभवही तानाजीने सांगितला. कोणी व्यवसाय सुरू करण्याच्या नावाखाली पैसे घेतले, तर कोणी गरज असल्याचे सांगून आर्थिक मदत मागितली. कोणताही विचार न करता आपण सगळ्यांना पैसे देत गेलो, मात्र आज तेच लोक फोन उचलत नाहीत आणि सोशल मीडियावर ब्लॉक करून बसले आहेत, असे त्याने भावनिक शब्दांत सांगितले. या सगळ्या अनुभवातून आपण खूप काही शिकलो असल्याचेही त्याने नमूद केले.
सैराटनंतर स्वतःमध्ये सकारात्मक बदल घडवण्यासाठी तानाजीने पुस्तक वाचन सुरू केले. (popular) त्यामुळे त्याच्या विचारांमध्ये आणि ज्ञानात मोठी भर पडल्याचे तो सांगतो. सैराटपूर्वीचा तानाजी आणि आजचा तानाजी यामध्ये मोठा फरक असल्याचे त्याचे मत आहे. मात्र, अभिनय क्षेत्रातील अज्ञानामुळे त्या काळात योग्य निर्णय घेता न आल्याची खंतही त्याने व्यक्त केली. त्या वेळेस अधिक काम करायला हवे होते, पण योग्य मार्गदर्शन करणारा कोणीच नव्हता, असेही तो म्हणाला.
अचानक मिळालेल्या प्रसिद्धीमुळे (popular) काही काळ आपण गोंधळून गेलो होतो, हेही तानाजीने मान्य केले. सैराटनंतर त्याने जवळपास 20 ते 22 चित्रपटांमध्ये काम केले, मात्र त्यातील फारशा भूमिका प्रेक्षकांच्या लक्षात राहिल्या नाहीत, असे त्याने स्पष्टपणे सांगितले.
आपल्या मूळ आयुष्याविषयी बोलताना तानाजी म्हणाला की, चित्रपटसृष्टीत येण्यापूर्वी तो शेती करत होता. शाळा आणि कॉलेजमध्ये अभ्यासात फार हुशार नसल्यामुळे शेतीच करायची हे ठरलेले होते. सैराटमध्ये आपण अगदी अपघाताने आलो, असे तो सांगतो. आजही तो शेती करत असून अभिनयाची कामे मिळतील तशी स्वीकारत असल्याचे त्याने स्पष्ट केले आहे.
हेही वाचा :
आधावरचा पत्ता नाव किंवा ई-मेल चुकलाय? हे App डाउनलोड करा अन् मिनिटांत चुका करा
अजित पवार यांच्या आठवणीत मुलगा जय पवार भावूक; सोशल मीडियावर व्यक्त केल्या भावना
‘या’ जन्मतारखेला जन्मलेली लोक प्रचंड नशीबवान असतात; गुरू ग्रहाची असते मोठी