कोल्हापुरात सावकार अमित सावंतने व्याजासाठी महिलेवर अत्याचार केल्याचा धक्कादायक प्रकार उघडकीस आला आहे. पीडितेच्या दाव्यानुसार, सावंतने अशा अनेक असहाय्य महिलांचे लैंगिक शोषण केले असून, त्याच्या मोबाईलमध्ये २०० ते ३०० अश्लील व्हिडीओ आहेत. गांधीनगर पोलिसांनी सावंतला अटक केली असून, या प्रकरणी इतर महिलांनीही पुढे यावे असे आवाहन करण्यात आले आहे. हे प्रकरण महाराष्ट्रात खळबळ उडवत आहे.
नाशिकमध्ये सध्या भोंदू अशोक खरातचे काळे कारनामे आणि अश्लील कृत्य समोर आल्यानंतर अख्खं राज्य हादरलं. त्याचं हे प्रकरण गाजत असतानाच आता आणखी एका कांडाने महाराष्ट्राला हादरा बसला आहे. व्याजाने दिलेल्या पैशाच्या वसुलीसाठी महिलेवर जबरदस्तीने अत्याचार केल्याचा धक्कादायक प्रकार कोल्हापुरात घडल्याचे उघड झाले आहे. या प्रकरणी संबंधित सावकार अमित सावंत याच्यावर कोल्हापूरच्या गांधीनगर पोलीस ठाण्यात पुन्हा दाखल झाला असून त्याला अटक करण्यात आली आहे. (Kolhapur) मात्र त्याच्या मोबाईलमध्ये नको त्या गोष्टी असल्याचा दावा पीडित महिलेने केल्याने आणखीनच मोठी खळबळ माजली आहे. सावकार अमित सावंत याने फक्त या एकाच महिलेवर नव्हे तर अनेक असहाय्य महिलांवर अत्याचार केले असून, त्याचे घाणेरडे, अश्लील 200 ते 300 व्हिडिओ या सावकाराच्या मोबाईल मध्ये असल्याचा दावा पीडित महिलेने केला आहे. तिच्या. दाव्यामुळे एकच खळबळ उडाली आहे.
पोलिसांच्या ताब्यात असलेला अमित सावंत हा पेशाने कारचालक असला तरी तो खाजगी सावकारी देखील करतो. यातूनच कोल्हापूर जवळील गडमुडशिंगी गावात राहणाऱ्या एका महिलेची त्याच्याशी ओळख झाली. संबंधित महिलेला पैशांची गरज असल्यामुळे दोन वर्षांपूर्वी तिने सावंत यांच्याकडून दहा टक्के दोन लाख रुपये व्याजाने घेतले. (Kolhapur )काही महिने व्याज सुरळीत दिल्यानंतर आर्थिक परिस्थिती मुळे संबंधित महिलेला सावंत याच्याकडे व्याज भरणं शक्य झालं नाही. मात्र याचा गैरफायदा घेत अमित सावंत हा संबंधित महिलेच्या घरी गेला आणि त्याने या महिलेवर जबरदस्तीने अत्याचार केले. एवढंच नव्हे तर या घटनेचा त्याने व्हिडिओ देखील शूट केला. आणि त्यानतंर त्याने याच याच व्हिडिओच्या आधारे पीडित महिलेला धमकावत तिच्यावर पुन्हा अत्याचर केले असा आरोप.
त्याच नराधम सावकाराचा नीचपणा एवढ्यावरच थांबला नाही तर त्याने हे अश्लील व्हिडिओ त्याने आपल्या मित्रांना देखील दाखवले. यामुळे संतप्त झालेल्या पीडित महिलेने जाबा विचारला. मात्र त्यानंतर अमित सावंत यांनी त्या महिलेसह तिच्या नातेवाईकांना जबर मारहाण केली. अखेर या पीडित महिलेने गांधीनगर पोलीस ठाण्यात धाव घेत, अमित सावंत याच्या गैरकृत्याचा पाढा वाचला. गांधीनगर पोलिसांनी या घटनेचे गांभीर्य लक्षात घेत अमित सावंत याच्यावर तात्काळ गुन्हा दाखल करत त्याला अटक देखील केली आहे.
दरम्यान पीडित महिलेने अमित सावंत सह त्याचा मित्र रोहित कदम सावंत याच्या पत्नीवर देखील गंभीर आरोप केले आहेत. आर्थिक विवंचनेत असलेल्या अनेक असहाय्य महिलांवर, सावंत याने अशाच पद्धतीने अत्याचार केले. त्याचा मोबाईलमध्ये असे 200 ते 300 व्हिडिओ आहेत, असा दावाही पीडिततेने केला आहे. सावंतन्े ज्या महिलांवर अत्याचार केला,(Kolhapur) त्यांनी हिंमत करून आता तक्रारीसाठी समोर यावं असं आवाहनदेखील पीडित महिलेने केलं असून अमित सावंत याला फाशी देण्याची मागणी या पीडितेने केली आहे. या प्रकरणात तक्रार देण्यासाठी आणखीनही महिला पुढे येण्याची शक्यता असल्याने येत्या काळात या प्रकरणाची व्याप्ती वाढण्याची चिन्ह निर्माण झाली आहेत..
हेही वाचा
मुली नकार द्यायच्या, लग्नच जुळेना, प्रचंड नैराश्यातून दोन तरूणांनी… त्या घटनेने महाराष्ट्र हादरला
अखेर ४८ तासांनी इराणने अमेरिकेचा मोठा बदला घेतला, होर्मुझमध्ये खळबळ, एकाच्या बदल्यात तीन
शिल्पा शेट्टीच्या बहिणीचं राकेश बापटसोबत ब्रेकअप, शमिता म्हणालेली, ते आयुष्याचं एक पान