मराठी चित्रपटसृष्टीतील बहुआयामी कलाकार सुबोध भावेचा 9 नोव्हेंबर रोजी 50 वा वाढदिवस (birthday)मोठ्या उत्साहात साजरा करण्यात आला. या सोहळ्याने केवळ कलाविश्वच नव्हे तर महाराष्ट्राच्या राजकारणातही चर्चेचा विषय निर्माण केला. कारण या वाढदिवस समारंभात महाराष्ट्र नवनिर्माण सेनेचे अध्यक्ष राज ठाकरे आणि शिवसेना पक्षप्रमुख उद्धव ठाकरे हे दोघेही एकत्र उपस्थित होते.
मुंबईतील अंधेरी येथील एका आलिशान हॉटेलमध्ये (birthday)आयोजित या जंगी सोहळ्याला ठाकरे बंधूंच्या पत्नी—शर्मिला ठाकरे आणि रश्मी ठाकरे—यांचीही उपस्थिती होती. चित्रपटसृष्टीतील अनेक नामांकित कलाकारांसोबत खासदार नरेश मस्के देखील या कार्यक्रमाला हजर होते. विशेष म्हणजे, शिंदे गटाचे खासदार नरेश मस्के आणि ठाकरे बंधू एकाच कार्यक्रमात उपस्थित राहिल्याने राजकीय वर्तुळात चर्चेला उधाण आले.
सुबोध भावेने आपल्या अभिनय कारकिर्दीत “बालगंधर्व”, “लोकमान्य”, “कट्यार काळजात घुसली” यांसारख्या अनेक गाजलेल्या चित्रपटांमधून आणि मालिकांमधून प्रेक्षकांच्या मनात वेगळी ओळख निर्माण केली आहे. त्यांच्या वाढदिवसाच्या निमित्ताने कलाविश्वातील अनेक कलाकार, दिग्दर्शक आणि राजकीय व्यक्तींनी शुभेच्छांचा वर्षाव केला.
हिंदी भाषेच्या सक्तीविरोधातील मोहिमेत राज आणि उद्धव ठाकरे प्रथमच एकत्र आले होते. त्यानंतर दोघांनी दिवाळी एकत्र साजरी केली होती, आणि आता सुबोध भावेच्या वाढदिवसाच्या सोहळ्यात त्यांच्या तिसऱ्या सार्वजनिक भेटीने पुन्हा एकदा एकत्र येण्याची चर्चा रंगली आहे.
हेही वाचा :
कुरुंदवाडमध्ये पुन्हा भानामतीचा प्रकार…
हिवाळ्यात फक्त 1 चमचा मध खा आणि काय बदल होतोय ते पाहा…
2026 च्या T20 विश्वचषक उपांत्य फेरीसाठी दोन ठिकाणांची निवड…