कुरुंदवाड शहरात रविवारी सकाळी भानामती (Bhanamati)आणि करणी-जादूटोण्याचा प्रकार समोर आल्यानंतर परिसरात खळबळ उडाली आहे. शहराच्या विविध वेशींवर आणि चौकांत कापडात गुंडाळलेले संशयास्पद साहित्य आढळून आले, ज्यामध्ये माती, हळद-कुंकू, तांदूळ, भिजवलेला हरभरा, खाऊची पाने, काळा दोरा आणि इतर वस्तू होत्या. या वस्तू आढळल्याने नागरिकांमध्ये भीतीचे वातावरण निर्माण झाले असून शहरभर याबद्दल चर्चा रंगली आहे.
विशेष म्हणजे, सोमवारपासून नगरपालिका निवडणुकीसाठी उमेदवारी अर्ज दाखल करण्यास सुरुवात होत असल्याने या घटनेला राजकीय पार्श्वभूमी जोडली जात आहे. काही नागरिक आणि संभाव्य उमेदवारांनी हा प्रकार राजकीय कटकारस्थान असल्याचा आरोप केला असून, मतदारांमध्ये अंधश्रद्धा (Bhanamati)पसरवून मानसिक दडपण आणण्याचा प्रयत्न केल्याचे मत व्यक्त केले आहे.यापूर्वीही तीन महिन्यांपूर्वी शिरढोण रस्त्यावर अशाच प्रकाराची घटना घडली होती, तेव्हा नगरपालिकेतील 20 नगरसेवक संख्येप्रमाणे 20 बाहुल्यांची भानामती केल्याचे उघड झाले होते. त्या प्रकरणात पोलिसांनी तपास केला होता, मात्र ठोस पुरावे सापडले नव्हते.
सध्या शहरात पुन्हा एकदा असे प्रकार घडू लागल्याने नागरिकांमध्ये संताप आणि अस्वस्थता पसरली आहे. काहींनी प्रशासनाने तत्काळ तपास करून जबाबदारांवर कारवाई करावी, अशी मागणी केली आहे. दरम्यान, या घटनेमुळे कुरुंदवाडमध्ये राजकीय चर्चेला चांगलाच ऊत आला असून, सोशल मीडियावर दिवसभर या प्रकरणाची जोरदार चर्चा सुरू होती.
हेही वाचा :
हिवाळ्यात फक्त 1 चमचा मध खा आणि काय बदल होतोय ते पाहा…
2026 च्या T20 विश्वचषक उपांत्य फेरीसाठी दोन ठिकाणांची निवड…
‘लाडकी बहीण’ योजना बंद होणार नाही…