रुकडी (ता. हातकणंगले) येथे झालेल्या भव्य कार्यक्रमात उपमुख्यमंत्री एकनाथ शिंदे यांनी “मुख्यमंत्री लाडकी बहीण योजना कधीही बंद होणार नाही,” अशी ठाम भूमिका मांडली. लोकनेते स्व. बाळासाहेब माने प्रवेशद्वाराच्या लोकार्पण सोहळ्यात बोलताना त्यांनी राज्यातील महिलांच्या सक्षमीकरणासाठी ही योजना महत्त्वपूर्ण असल्याचे सांगितले. शिंदे म्हणाले की, “राज्य सरकार महिलांच्या कल्याणासाठी कटिबद्ध असून, लाडकी बहीण योजना(scheme) ही दीर्घकालीन आणि स्थिर स्वरूपात राबवली जाणार आहे.”
कार्यक्रमात ग्रामपंचायत रुकडी व अतिग्रे तसेच शिवसेना पदाधिकारी यांच्या वतीने उपमुख्यमंत्री शिंदे यांचा सत्कार करण्यात आला. या वेळी खासदार धैर्यशील माने यांनी स्वागत व प्रास्ताविक केले, तर पालकमंत्री प्रकाश आबिटकर यांनी आभार मानले.या सोहळ्याला उद्योगमंत्री उदय सामंत, पर्यटन व खानकाम मंत्री शंभूराज देसाई, आमदार राजेंद्र पाटील-यड्रावकर, आमदार अशोकराव माने, आमदार राहुल आवाडे, सुरेश हाळवणकर, निवेदिता माने, अरुण इंगवले यांसह मोठ्या संख्येने नागरिक उपस्थित होते.
स्व. बाळासाहेब माने प्रवेशद्वाराचे लोकार्पण करताना(scheme) शिंदे यांनी म्हटले की, “हे प्रवेशद्वार म्हणजे एका स्वयंप्रकाशित नेत्याने समाजासाठी केलेल्या कार्याचे प्रतीक आहे. हे स्मारक सामाजिक उन्नतीचा मार्ग दाखवणारे ठरेल.” त्यांनी रुकडी ग्रामपंचायतीचे अभिनंदन करत सांगितले की, अशा उपक्रमांमुळे गावाच्या विकासाला गती मिळेल आणि पुढील पिढ्यांसाठी प्रेरणादायी उदाहरण निर्माण होईल.
हेही वाचा :
सोन्या – चांदीच्या भावात मोठा बदल….
देशावर संकट, 10, 11 आणि 12 तारखेला मोठा इशारा…
निरोगी अन्नही वाढवू शकतं वजन! जाणून घ्या योग्य खाण्याची पद्धत!