देशातील नागरिकांसाठी आधार कार्ड आणि पॅन कार्ड ही दोन अत्यंत महत्त्वाची कागदपत्रे आहेत.(cards) बँकिंग, कर भरणा, सरकारी योजना, आर्थिक व्यवहार तसेच ओळखीचा पुरावा म्हणून या दोन्ही दस्तऐवजांचा मोठ्या प्रमाणावर वापर केला जातो. मात्र आता नव्या वर्षापासून काही नागरिकांचे आधार आणि पॅन कार्ड निष्क्रिय होणार असल्याची महत्त्वाची माहिती समोर आली आहे. केंद्र सरकारने पॅन कार्डला आधार कार्डशी लिंक करणे बंधनकारक केले असून, यासाठी 31 डिसेंबर 2025 ही अंतिम मुदत निश्चित करण्यात आली आहे. या मुदतीत लिंकिंग न केल्यास संबंधित नागरिकांचे पॅन कार्डसह आधार कार्डही निष्क्रिय केले जाऊ शकते, असा इशारा देण्यात आला आहे.
ज्या नागरिकांनी अद्याप आपले पॅन कार्ड आधार कार्डशी लिंक केलेले नाही, (cards)अशा सर्व लोकांवर ही कारवाई लागू होणार आहे. सरकारच्या माहितीनुसार, अंतिम तारखेपर्यंत लिंकिंग न केल्यास पॅन कार्ड निष्क्रिय होईल आणि त्याचा थेट परिणाम आर्थिक व्यवहारांवर होणार आहे. काही प्रकरणांमध्ये आधारशी संबंधित सेवा देखील मर्यादित केल्या जाऊ शकतात.पॅन कार्ड निष्क्रिय झाल्यास बँक व्यवहार, आयकर रिटर्न भरणे, मोठ्या आर्थिक व्यवहारांवर निर्बंध, सरकारी अनुदान व सबसिडी मिळण्यात अडचणी निर्माण होऊ शकतात. त्यामुळे नागरिकांनी वेळेत ही प्रक्रिया पूर्ण करणे अत्यंत आवश्यक आहे.
पॅन कार्ड हा एक महत्त्वाचा आर्थिक ओळख क्रमांक (cards)असून कर प्रणाली पारदर्शक करण्यासाठी सरकारने तो आधारशी जोडण्याचा निर्णय घेतला आहे. यामुळे बनावट पॅन कार्ड आणि गैरव्यवहार रोखण्यास मदत होणार आहे. त्यामुळे आता देशातील जवळपास सर्व आर्थिक व्यवहारांसाठी लिंक केलेले पॅन कार्ड आवश्यक ठरणार आहे.
पॅन कार्ड आधारसोबत लिंक करण्यासाठी आयकर विभागाच्या अधिकृत वेबसाइटवर प्रक्रिया करता येते. यासाठी नागरिकांनी सर्वप्रथम आयकर विभागाच्या ई-फायलिंग पोर्टलला भेट द्यावी लागेल. त्यानंतर ‘Quick Links’ मधील ‘Link Aadhaar’ या पर्यायावर क्लिक करायचे आहे.
यानंतर पॅन नंबर, आधार नंबर आणि आधार कार्डवर नोंद असलेले नाव भरावे लागेल. (cards)आवश्यक माहिती भरल्यानंतर अटी व शर्ती स्वीकारून कॅप्चा कोड टाकावा. ही प्रक्रिया पूर्ण केल्यानंतर पॅन कार्ड यशस्वीरीत्या आधारशी लिंक होईल. सरकारने स्पष्ट केले आहे की, 31 डिसेंबर 2025 नंतर लिंकिंग न करणाऱ्यांवर कोणतीही सवलत दिली जाणार नाही. त्यामुळे आर्थिक व्यवहार सुरळीत ठेवण्यासाठी आणि भविष्यातील अडचणी टाळण्यासाठी नागरिकांनी तात्काळ आधार-पॅन लिंकिंग प्रक्रिया पूर्ण करण्याचे आवाहन करण्यात आले आहे.
हेही वाचा :
इचलकरंजी शहरातील नागरिकांसाठी एक अत्यंत महत्त्वाची बातमी…
इचलकरंजी शहरातील नागरिकांसाठी एक अत्यंत महत्त्वाची बातमी…