कोल्हापूर/विशेष प्रतिनिधी : मंत्र्यांचा तोंडी आदेश बेदखल करणाऱ्या, अधिकाऱ्याला डोक्यावर घेतले जाते. त्याचे सर्व थरातून कौतुक केले जाते. कारण त्याच्या अशा कृतीतून तो स्वच्छ चारित्र्याचा, नीती मूल्ये जपणारा असल्याचे गृहीत धरले जाते आणि मंत्र्यांना ते चुकीचेच वागतात असे समजले जाते. हे असे का घडते याचे लोकप्रतिनिधी, मंत्री यांनी आत्मचिंतन केले पाहिजे. सध्या अंजना कृष्णा या महिला पोलीस अधिकाऱ्याने उपमुख्यमंत्री(political) अजितदादा पवार यांनाच बेदखल केल्याचे प्रकरण गाजते आहे. खुद्द दादांशी पंगा घेणाऱ्या अंजना कृष्णा यांच्यावर गेल्या दोन दिवसापासून कौतुकांची सुमने उधळली जात आहेत.
अजित दादा पवार हे स्पष्ट बोलतात. कार्यकर्त्यांना जाहीर कार्यक्रमात चार खडे बोल सुनावतात. पोलीस कारवाईतून एखाद्याला कसे वाचवले याची कबुलीही देतात.” मीडिया “ला खरसावतात, तुला का वाईट वाटतंय रे असा प्रतिसाद करतात.”मी काय कुणाच्या बापाला घाबरत नाही”अशा अविर्भावात ते बोलत असतात. त्यामुळे त्यांना पटकन दादा म्हणून ओळखले जाते. पण ते धुतल्या तांदळासारखे स्वच्छ आहेत असे कोणीही म्हणणार नाही आणि म्हणतही नाहीत. त्यांना शासनातील वरिष्ठ अधिकारीही टरकून असतात. घाबरून असतात.
माझा एखादा कार्यकर्ता चुकीचा वागत असेल तर त्याला सोडू नका. त्याच्यावर कारवाई करा असे ते नेहमीच जाहीररित्या सांगतात शिवाय तुमचा मंत्री अडचणीत येईल असे काम करू नका असे कार्यकर्त्यांना आवाहन करत असतात तेव्हा धनंजय मुंडे यांना अडचणी आणणारे वाल्मीक कराड यांच्यासारखे गुन्हेगार कार्यकर्ते असे अप्रत्यक्षरीत्या म्हणायचे असते. अंजना कृष्णा प्रकरणात मात्र ते गुन्हा करणाऱ्या कार्यकर्त्यांना पाठीशी घालत असल्याचे चित्र समोर आले आहे. हे त्यांच्याकडून झालेले स्वतःचेच “प्रतिमाभंजन” आहे.
अजित दादा पवार(political) यांच्याशी पंगा घेणाऱ्या अंजना कृष्णा ह्या आयपीएस अधिकारी आहेत. त्या माढा तालुक्यात उपविभागीय पोलीस अधिकारी म्हणून काम करत आहेत पण त्या प्रशिक्षणार्थी आहेत. त्यांचे कर्तव्य अजून सिद्ध व्हायचे आहे. दस्तूर खुद्द राज्याचे डीसीएम आपणाशी बोलतात हे त्यांना माहीत नसावे. कारण राज्याच्या महत्त्वाच्या मंत्र्यांचे मोबाईल क्रमांक अधिकाऱ्यांना माहीत असावे लागतात.
अंजना कृष्णा यांना तो फोन कार्यकर्त्याचा आहे हे माहित होते. कार्यकर्त्याच्या फोनवरून डीसीएम आपणाशी बोलू शकत नाहीत अजितदादांचे नाव घेऊन दुसराच कोणीतरी बोलत असावा अशी शंका आल्यानेच त्यांनी”तुम्ही माझ्या फोनवर संपर्क करा”असे सांगून त्यांनी स्वतःचा नंबर दिला. त्यांची ही कृती खरोखरच दादाच बोलत आहेत का याची खातरजमा करून घेणारी होती. पण दादा संतापने अपेक्षित होते. त्यांचा अहंकार दुखावला गेला. त्यामुळे ते”तुला महागात पडेल”असे बोलून गेले.
अजितदादा आणि अंजना कृष्णा यांच्यात झालेले फोनवरील संभाषण व्हायरल झाले. डीसीएम चा तोंडी आदेश बे दखल करणाऱ्या अंजना कृष्णा ह्या एकदम प्रसिद्धीच्या झोतात आलेल्या आहेत. त्या किती कर्तव्य कठोर आहेत आणि अजित दादा हे गुन्हेगारांना कसे पाठीशी घालत आहेत असे चित्र”मीडिया”मुळे पुढे आल्यानंतर अंजली दमानिया, संजय राऊत वगैरेंनी दादांना धारेवर धरणे अपेक्षित म्हणावे लागेल. कुठल्यातरी संघटनेने अंजना कृष्णा यांच्या प्रतिमेला दुग्धाभिषेकच घातला आहे. सामान्य जनतेने तर त्यांना डोक्यावर घेतले आहे.
अंजना कृष्णा यांच्या नोकरीची खऱ्या अर्थाने अद्याप सुरुवातही झालेली नाही. त्यांचे कर्तव्य कठोरता अजून सिद्ध झालेली नाही. अनेकदा असे अधिकारी नंतर प्रस्थापित व्यवस्थेचा भाग बनतात. अरविंद इनामदार, मीरा बोरवणकर, किरण बेदी, दिलीप हेबळे, शिवप्रताप सिंह यादव असे हाताच्या बोटावर मोजता येतील असे आयपीएस अधिकारी(political)लोकांच्या स्मरणात राहिले आहेत. आणि म्हणूनच अंजना कृष्णा यांनी अजितदादा पवार यांना बेदखल करणे ठळकपणे पुढे आले आहे.
बहुतांशी आमदार, खासदार, मंत्री हे भ्रष्टच आहेत किंवा असतात. असे गेल्या काही वर्षांपासून सर्वसामान्य जनतेने गृहीत धरले आहे. बेकायदा कामे करून घेतली जातात. गुन्हेगारांना राजकारणी आणि राज्यकर्ते हे अभय देत असतात. हे अनेकदा समोर आले आहे. वाल्मीक कराड हे त्याचे उत्तम उदाहरण आहे.
माढा तालुक्यात अजित दादा पवार यांच्या कार्यकर्त्यांकडून अवैधरित्या मुरुम काढला जात होता. तहसीलदार आणि तलाठी हे त्यांना प्रतिबंध करत होते. बंदोबस्तासाठी म्हणून तिथे अंजना कृष्णा घटनास्थळी उपस्थित होत्या. त्यांनी संबंधितांना कारवाई करण्यास मनाई करावी यासाठी फोनवरून तोंडी आदेश दिले होते. आणि त्याचवेळी अंजना कृष्णा ह्या तुम्ही माझ्या फोनवर संपर्क साधा असे सांगत होत्या.
त्यातून एक जबाबदार मंत्री कार्यकर्त्यांच्या बेकायदा कामास प्रोत्साहन देत होता आणि कामास अंजना कृष्णा या प्रतिबंध करत होत्या असे शासन आणि प्रशासन यांच्यातील विरोधाभासी चित्र पुढे आले आहे. त्यामुळे खऱ्या अर्थाने कारकीर्द सुरू होण्याच्या आधीच अंजना कृष्णा या प्रसिद्धीच्या झोतात आल्या आहेत.
हेही वाचा :
प्रवासी थोडक्यात बचावले! Indigo ची ‘ही’ फ्लाईट चक्क 2 तास…
82 वर्षीय आजोबांनी आधी पत्नीचा गळा कापला अन् नंतर पोट कापून…
टायटॅनिकचा पुन्हा एकदा थरार, 1 मिलियन डॉलरचा लग्झरी जहाज पाण्यात झाला विलीन; घटनेचा Video Viral