बॉलीवूड अभिनेत्री शिल्पा शेट्टी हिचा पती राज कुंद्रा(entertainment news) यांच्या अडचणी वाढत आहेत. आर्थिक गुन्हे शाखेने (EOW) त्यांना ६०.४८ कोटी रुपयांच्या फसवणुकीच्या प्रकरणात समन्स पाठवले आहेत. आज राज कुंद्रा यांचा वाढदिवस देखील आहे. त्यांना १५ सप्टेंबर रोजी चौकशीसाठी हजर राहण्यास सांगण्यात आले आहे. यापूर्वी राज कुंद्रा १० सप्टेंबर रोजी हजर राहणार होते. मात्र, त्यांनी हजर राहण्यासाठी अधिक वेळ मागितला. तसेच आता त्यांना १५ सप्टेंबरला हजर राहण्यास सांगितले गेले आहे.
EOW ने राज कुंद्रा विरोधात लूक आउट सर्क्युलर जारी केले आहे. या अंतर्गत, तो देश सोडून जाऊ शकत नाही. EOW च्या एका वरिष्ठ अधिकाऱ्याने पुष्टी केली आहे की नॅशनल कंपनी लॉ ट्रिब्यूनल (NCLT) च्या ऑडिटरलाही चौकशीसाठी बोलावण्यात आले आहे. तसेच हे संपूर्ण प्रकरण काय आहे हे आपण जाणून घेणार आहोत.
प्राथमिक चौकशीदरम्यान शिल्पा शेट्टी आणि तिचा पती राज कुंद्रा दोघांनाही यापूर्वी तीन वेळा समन्स बजावण्यात आले होते. दोघांनीही सांगितले की ते लंडनमध्ये राहतात, म्हणून त्यांनी त्यांचे वकील पाठवले होते. यावर ईओडब्ल्यूने सांगितले की वकिलाने संपूर्ण माहिती दिली नाही. त्यानंतर औपचारिक एफआयआर नोंदवण्यात आला.
मुंबईतील जुहू पोलिस स्टेशनमध्ये कुंद्रा (entertainment news)यांच्याविरुद्ध एफआयआर दाखल करण्यात आला आहे. लोटस कॅपिटल फायनान्शियल सर्व्हिसेसचे संचालक म्हणतात की २०१५ ते २०२३ दरम्यान त्यांनी शिल्पा शेट्टी आणि राज कुंद्रा यांच्या कंपनी बेस्ट डील टीव्ही प्रायव्हेट लिमिटेडमध्ये ६०.४८ कोटी रुपये गुंतवले होते. त्यांनी आरोप केला आहे की शिल्पा आणि राज यांनी हे पैसे कंपनीत गुंतवण्याऐवजी स्वतः खर्च केले. आणि आता त्यांच्यावर फसवणूक करण्याचा आरोप करण्यात आला आहे.
तक्रारदार दीपक कोठारी यांचे वकील जैन श्रॉफ यांनी सांगितले की त्यांच्या क्लायंटने पुराव्यांसह पैसे गुंतवले होते. कंपनीने त्यांची दिशाभूल केली. उलट, शिल्पा शेट्टी यांचे वकील प्रशांत पाटील यांनी आरोप फेटाळून लावले आहेत. ते म्हणतात की तक्रारदार स्वतः कंपनीत भागीदार होता. त्यांच्या मुलाला संचालक बनवण्यात आले. जर कंपनीला नफा झाला तर तो दोघांमध्ये विभागला जाईल.
हेही वाचा :
बीड-नगर रेल्वेला अखेर मुहूर्त मिळाला; 17 सप्टेंबरला धावणार रेल्वे, नागरिकांना मोठा फायदा होणार
राज्यातील शिक्षकांच्या नोकऱ्या धोक्यात येणार? ‘हे’ कारण ठरतंय चर्चेचं
रोहित शर्मा रात्री उशिरा का पोहोचला हाॅस्पिटलमध्ये? चाहते चिंतेत; Video Viral