जागतिक बाजारात कच्च्या तेलाच्या किमतीत मोठ्या घडामोडी घडत असतानाच, देशांतर्गत बाजारात इंधनाचे नवे दर समोर आले आहेत. तेल कंपन्यांनी सर्वसामान्यांना महागाईच्या झळांमधून तात्पुरता दिलासा दिला असून घरगुती गॅसचे दर नियंत्रित ठेवले आहेत. मात्र, व्यावसायिक वर्गाला या दरवाढीचा मोठा फटका बसला असून व्यवसाय चालवणे अधिक खर्चिक बनले आहे.
देशातील प्रमुख शहरांमधील गॅस सिलेंडरचे ताजे भाव आंतरराष्ट्रीय पातळीवर कच्च्या तेलाचा दर प्रति बॅरल १०५ डॉलरच्या आसपास असतानाही, भारतीय तेल विपणन कंपन्यांनी आज १८ मे रोजी घरगुती वापराच्या १४.२ किलो ग्रॅमच्या एलपीजी (LPG) सिलेंडरच्या किमतीत कोणताही बदल केलेला नाही. देशाची राजधानी नवी दिल्ली येथे हा सिलेंडर ₹९१३ रुपयांवर स्थिर आहे. (LPG gas) याउलट, व्यावसायिक वापरासाठीच्या १९ किलो वजनाच्या सिलेंडरने मात्र देशात ३,००० रुपयांची ऐतिहासिक पातळी ओलांडली असून, मे महिन्याच्या सुरुवातीला झालेल्या ९९३ रुपयांच्या प्रचंड दरवाढीमुळे छोटे व्यावसायिक, हॉटेल्स आणि रेस्टॉरंट मालकांचे बजेट पूर्णपणे कोलमडले आहे.
विविध शहरांमधील १४.२ किलो घरगुती आणि १९ किलो व्यावसायिक सिलेंडरचे दर खालीलप्रमाणे आहेत. कोलकाता मध्ये ₹९३९ आणि ₹३,२०२, आर्थिक राजधानी मुंबई मध्ये ₹९१२.५० आणि ₹३,०२४, तर चेन्नई मध्ये ₹९२८.५० आणि ₹३,२३७ दर आहेत. गुडगाव शहरात ₹९२१.५० आणि ₹३,०८८, नोएडामध्ये ₹९१०.५० आणि ₹३,०७१.५०, बंगळुरू मध्ये ₹९१५.५० आणि ₹३,१५२, तर भुवनेश्वर येथे ₹९३९ आणि ₹३,२३८ मोजावे लागत आहेत. चंदीगड मध्ये हे दर ₹९२२.५० आणि ₹३,०९२.५०, हैदराबाद मध्ये ₹९६५ आणि ₹३,३१५, जयपूर मध्ये ₹९१६.५० आणि ₹३,०९९, तर लखनौ मध्ये ₹९५०.५० आणि ₹३,१९४ आहेत. पाटणा शहरात सर्वाधिक म्हणजे ₹१,००२.५० आणि ₹३,३४६.५०, तर तिरुवनंतपुरम मध्ये ₹९२२ आणि ₹३,१०६ किंमत आहे.
छोटे सिलेंडर महागले आणि भविष्यातील दरवाढीचे संकेत मार्च २०२६ पासून मोठ्या घरगुती सिलेंडरच्या किमतीत स्थिरता असली, (LPG gas) तरी खुल्या बाजारात उपलब्ध असणाऱ्या ५ किलो वजनाच्या एफटीएल सिलेंडरच्या दरात मोठी वाढ नोंदवण्यात आली आहे. दिल्ली-एनसीआर क्षेत्रात हा छोटा सिलेंडर आता ५४९ रुपयांवरून थेट ८िओ.५० रुपयांवर पोहोचला आहे. या अनपेक्षित वाढीमुळे शिक्षण आणि नोकरीसाठी शहरात राहणारे विद्यार्थी तसेच स्थलांतरित कामगारांना आपले मासिक आर्थिक नियोजन सांभाळताना मोठ्या अडचणींचा सामना करावा लागत आहे.
सध्या मध्यपूर्वेतील तणावामुळे जागतिक पुरवठा साखळीवर अत्यंत विपरित परिणाम झाला आहे. या पार्श्वभूमीवर, पंतप्रधान नरेंद्र मोदी (LPG gas) यांनी देशाचा परकीय चलन साठा वाचवण्यासाठी आणि इंधन वापरात काटकसर करण्याचे आवाहन केले आहे. आंतरराष्ट्रीय बाजारात कच्च्या तेलाच्या किमती अशाच चढ्या राहिल्यास, आगामी जून महिन्याच्या मध्यावधी आढाव्यात देशांतर्गत घरगुती गॅस सिलेंडरच्या किमतीत ४० ते ५० रुपयांची थेट वाढ होण्याची दाट शक्यता वर्तवली जात आहे.
हेही वाचा
जलतरण तलावात बुडून परप्रांतीय तरुणाचा मृत्यू
भिलवडीत पाच हजाराची लाच घेताना हवालदार जाळ्यात
ग्राहकांना अजून मोठा झटका गॅस सिलेंडरचा बदलला हा नियम, जून महिन्यात बंद होणार तुमचे कनेक्शन?