देशभरात कफ सिरपमुळे(cough syrup) घडलेल्या मृत्यूच्या घटनांनी चिंतेचे सावट वाढत असताना केंद्र सरकारने एक महत्त्वपूर्ण निर्णय घेतला आहे. यानुसार, आता कोणत्याही प्रकारचे कफ सिरप डॉक्टरांच्या प्रिस्क्रिप्शनशिवाय विकले जाणार नाहीत. यासाठी सरकारच्या औषध सल्लागार समितीने त्यांच्या 67व्या बैठकीत हा प्रस्ताव मंजूर केला आहे.
सरकारने ही गंभीर परिस्थिती ओळखून कफ सिरपची(cough syrup) अनियंत्रित विक्री थांबवण्यासाठी ओव्हर-द-काउंटर विक्रीवर बंदी आणण्याचा निर्णय घेतला आहे. यानंतर कफ सिरप विकत घेण्यासाठी ग्राहकांना डॉक्टराकडून प्रिस्क्रिप्शन घेणे अनिवार्य राहील. सरकारचे म्हणणे आहे की, प्रिस्क्रिप्शनवर मर्यादा आल्याने दोन मोठे फायदे होतील. यामुळे औषधांचा गैरवापर कमी होईल आणि अनावश्यक अँटीबायोटिक्सच्या वापरावर नियंत्रण येईल. ज्यामुळे अँटीबायोटिक रेसिस्टन्सची समस्या कमी होईल.
अलीकडच्या काळात उझबेकिस्तान, इंडोनेशिया आणि गांबिया येथे भारतीय कफ सिरपमुळे 200 पेक्षा जास्त मुलांचे मृत्यू झाल्याची नोंद आहे. उझबेकिस्तानमध्ये 68 मुलांच्या मृत्यू प्रकरणी 21 जणांना शिक्षा सुनावण्यात आली.
जागतिक आरोग्य संघटनेने (WHO)देखील भारतातील काही उत्पादकांच्या तीन भेसळयुक्त औषधांची नोंद केली असून त्यात श्रीसन फार्मास्युटिकल्सची ‘कोल्ड्रिफ’, रेडनेक्सची ‘रेस्पिफ्रेश TR’ आणि शेप फार्माची ‘रिलाइफ’ या सिरपचा समावेश आहे. या पार्श्वभूमीवर केंद्र सरकारच्या आदेशानंतर कफ सिरप आता सामान्य औषधांसोबत सहज उपलब्ध राहणार नाहीत. देशात औषध खरेदी प्रक्रियेत शिस्त व सुरक्षितता आणण्यासाठी ही कडक अट लागू करण्यात आली आहे.
हेही वाचा :
निवडणुकांचा मार्ग सुकर सर्वोच्च न्यायालयाचा निर्वाळा
‘या’ दिवशी सार्वजनिक सुट्टी जाहीर! कार्यालये, शाळा बंद राहणार
जिल्हा परिषद निवडणुका लांबणीवर? 20 झेडपींसाठी पुन्हा आरक्षण सोडत