विराट कोहली आणि विक्रम हे आता एक समीकरण आहे. विराट कोहली आता एका अशा वळणावर उभा आहे, (Virat Kohli) जिथे त्याची प्रत्येक धाव विक्रमाची नोंद करत आहे. असं असताना केकेआरविरुद्धच्या सामन्यात त्याने केलेल्या शतकी खेळीमुळे 11 विक्रम नोंदवले गेले आहेत.
आयपीएल 2026 स्पर्धेत विराट कोहलीने आपल्या पहिल्या शतकी खेळीची नोंद केली आहे. सलग दोन वेळा शून्यावर बाद झाल्यानंतर विराट कोहलीच्या बॅटमधून शतक आलं आहे. केकेआरविरुद्धच्या सामन्यात विराट कोहलीने 60 चेंडूत 11 चौकार आणि 3 षटकार मारत नाबाद 105 धावांची खेळी केली आहे. (Virat Kohli) त्याने 175 च्या स्ट्राईक रेटने या धावा केल्या आहेत. या खेळीसह विराट कोहलीने अनेक विक्रम नोंदवले आहेत. चला जाणून घेऊयात त्याबाबत
विराट कोहलीने आयपीएल कारकिर्दीतील नववं शतक झळकावलं आहे. (Virat Kohli) यासह शतकवीरांच्या यादीत आपलं पहिलं स्थान आणखी पक्क केलं आहे. या यादीत जोस बटलर 7 शतकांसह दुसऱ्या आणि ख्रिस गेल सहा शतकांसह तिसऱ्या स्थानावर आहे.
टी20 क्रिकेटमध्ये 14 हजार धावांचा पल्ला ओलांडणारा विराट कोहली जगातील सहावा फलंदाज ठरला आहे. तसेच अशी कामगिरी करणारा पहिला भारतीय ठरला आहे.
विराट कोहलीने टी20 क्रिकेटमध्ये 14 हजारांचा पल्ला गाठण्यासाठी 409 डाव घेतले. हा एक विश्वविक्रम आहे. यापूर्वी ख्रिस गेलने 423 डावात हा पल्ला गाठला होता.
विराट कोहलीचा आयपीएल स्पर्धेतील 279 वा सामना होता. त्याने महेंद्रसिंह धोनी आणि रोहित शर्मा यांना मागे टाकले आहे. या दोघांनी प्रत्येकी 278 सामने खेळले आहेत. आता रोहित आणि विराट यांच्यात स्पर्धा असणार आहे.
आयपीएल स्पर्धेच्या इतिहासात 12 पर्वात 400पेक्षा जास्त धावा करणारा विराट कोहली हा एकमेव फलंदाज आहे.
विराट कोहलीने आयपीएल स्पर्धेत 21व्यांदा सामनावीराचा पुरस्कार पटकावला. असं करताच त्याने रोहित शर्माच्या विक्रमाची बरोबरी केली आहे.
आयपीएल स्पर्धेत दुसऱ्या डावात म्हणजेच धावांचा पाठलाग करताना विराट कोहलीचं तिसरं शतक आहे. त्याने जोस बटलरच्या विक्रमाशी बरोबरी केली.
टी20 क्रिकेटमध्ये विराट कोहलीचं हे 10 शतक आहे. यासह टी20 क्रिकेट इतिहासात शतकांचा दुहेरी आकडा गाठणारा एकमेव भारतीय फलंदाज ठरला आहे.
कोलकाता नाईट रायडर्सविरुद्ध आयपीएलमध्ये नवव्यांदा 50हून अधिक धावा करून रोहित शर्मा आणि डेव्हिड वॉर्नरचा विक्रम मोडीत काढला.
रायपूरच्या मैदानात टी20 सामन्यात फलंदाजाने केलेल्या सर्वोच्च धावांचा मान विराट कोहलीला मिळाला आहे. कोहलीने या सामन्यात नाबाद 105 धावा केल्या.
विराट कोहलीने शतकी खेळी करण्यापूर्वी दोन वेळा शून्यावर बाद झाला होता. त्यानंतर पुढच्या सामन्यात शतक ठोकणारा विराट कोहली आयपीएलमधील पहिला फलंदाज ठरला.
हेही वाचा
सर्वसामान्यांची झोप उडवणारी बातमी पेट्रोल-डिझेलच्या किंमती वाढणार, RBI ने दिले संकेत
देवेंद्र फडणवीस यांचा तडकाफडकी मोठा निर्णय, आता सर्वच मंत्री हालचाली वाढल्या!
रेल्वे नोकर भरती आंदोलन प्रकरण राज ठाकरे कोर्टात हजर, न्यायालयात नेमकं काय घडलं?