उत्तरप्रदेश येथील गोरखपूरमध्ये प्रियकर आणि प्रेयसीने ट्रेनसमोर(train) उडी मारून आपलं आयुष्य संपवल्याची घटना समोर आली आहे. यात धक्कदायक बाब म्हणजे तरुणीचा मृतदेह रेल्वे ट्रॅकवर नग्न अवस्थेत सापडला आणि तिच्या बाजूलाच तिच्या प्रियकराचा मृतदेह आढळला. या घटनेची माहिती मिळताच पोलीस घटनास्थळी पोहोचले आणि त्यांनी मृतदेह ताब्यात घेऊन ते पोस्टमार्टमसाठी पाठवले. 21 वर्षीय विश्वकर्मा कुमार अशी मृत तरुणाची ओळख पटली तर १८ वर्षीय तरुणी सुद्धा त्याच शहरातील रहिवासी होती. तरुण हा पिपराइच पोलिस स्टेशन परिसरातील वॉर्ड क्रमांक 11चा रहिवासी होता. ही संपूर्ण घटना पिपराइच पोलीस स्टेशन हद्दीत घडली.
दोघांनी एकमेकांचे हात हातात धरून ट्रेनसमोर(train) उडी मारले असल्याचे म्हणले जात आहे. घटनेत मुलीचा पाय पूर्णपणे तुटला होता, तर तसेच तरुणाच्या डोक्याला दुखापत झाली होती. जेव्हा दोघांनी एकत्र रेल्वे रुळावर उडी मारली तेव्हा लोको पायलटने अचानक ब्रेक लावला आणि ट्रेन थांबली. पण तोपर्यंत खूप उशीर झाला होता. त्यानंतर लोको पायलटने लगेच पोलिसांना या घटनेबाबत माहिती दिली. पोलीस तातडीने घटनास्थळी पोहोचले आणि तातडीने दोघांचे मृतदेह पोस्टमॉर्टमसाठी पाठवले. तसेच त्यांच्या आत्महत्येमागचं नेमकं कारण शोधण्यासाठी पोलीस तपास करत आहेत.
आत्महत्या करण्यापूर्वी दोघे पिपराइच रेल्वे स्टेशनवर बराच वेळ चालत होते. पीडित एका कपड्यांच्या दुकानात काम करत होती. ती दुकानातून बाहेर पडल्यानंतर सोमवारी तिच्या प्रियकराला भेटण्यासाठी स्टेशनवर आली होती. त्यांनतर दोघेही प्लॅटफॉर्मवर बराच वेळ गप्पा मारत होते. रात्री 9:30 च्या सुमारास, रेल्वे रूळावर ट्रेन येत असल्याचं पाहून त्यांनी एकमेकांचे हात धरले आणि ट्रेनसमोर उडी मारली. यात दोघांचा जागीच मृत्यू झाला. पोलिसांनी घटनास्थळावरून मुलीचा मोबाईल फोन जप्त केला.
पोलिसांनी तरुण आणि तरुणीच्या कुटुंबियांना संपर्क साधून घटनेची माहिती दिली. पोलिसांकडून माहिती मिळताच, पीडित तरुणीची आई घटनास्थळी पोहोचली आणि त्यांनी मृतदेहाची ओळख पटवली. मृत तरुणी ही गेल्या तीन वर्षांपासून एका कपड्याच्या दुकानात काम करत होती, अशी माहिती आहे.पीडित तरुणाच्या वडिलांच्या म्हणण्यानुसार, मुलीने आदल्या दिवशी त्यांच्या मुलाच्या मोबाईलवर फोन केला होता. त्यानंतर त्यांचा मुलगा घराबाहेर पडला आणि परतलाच नाही.
काल रात्री उशिरा त्यांना त्यांच्या मुलाने आत्महत्या केल्याची माहिती मिळाली. त्यांनी सांगितलं की, तरुण आणि तरुणी प्रेमसंबंधात असून त्यांना एकमेकांसोबत लग्न करायचं होतं. मात्र, पीडितेच्या आईचा त्यांच्या नात्याला विरोध होता. त्यामुळे त्यांनी आत्महत्या केली असल्याचं सांगितलं जात आहे. तसेच, त्या दोघांनी सहा महिन्यांपूर्वी सुद्धा आत्महत्येचा प्रयत्न केल्याचं वृत्त आहे.
हेही वाचा :
नशीब पूर्णपणे बदलण्याआधी मिळतात हे 4 संकेत…
चक्रीवादळाचा धोका हवामान विभागाचा सतर्कतेचा इशारा…
शिंदे गटाला मोठा हादरा, ‘हा’ नेता भाजपमध्ये जाणार…