हिंदू धर्म, पंचांग आणि ज्योतिषशास्त्रात मकर संक्रांतीला विशेष महत्त्व आहे.(astrology)14 जानेवारी 2026 रोजी सूर्य धनु राशीतून मकर राशीत प्रवेश करणार असून त्यामुळे हा दिवस मकर संक्रांती म्हणून साजरा केला जातो. पंचांगानुसार, दुपारी 3 वाजून 13 मिनिटांनी सूर्याचे संक्रमण होणार असून याच दिवशी सूर्य उत्तरायण होतो. उत्तरायणाची सुरुवात ही सकारात्मक ऊर्जेची, नव्या संधींची आणि शुभ फळांची सुरुवात मानली जाते.मकर संक्रांती हा केवळ सण नसून दान, पुण्यकर्म आणि आध्यात्मिक उन्नतीचा दिवस मानला जातो. ज्योतिषशास्त्रानुसार, या दिवशी केलेले दान अनेक पटींनी फलदायी ठरते. विशेष म्हणजे, जर व्यक्तीने आपल्या राशीनुसार योग्य वस्तूंचे दान केले, तर जीवनातील अडथळे दूर होऊन आर्थिक, मानसिक आणि सामाजिक स्तरावर सकारात्मक बदल घडून येतात, अशी धार्मिक मान्यता आहे.
ज्योतिषशास्त्रानुसार, मेष राशीच्या व्यक्तींनी मकर संक्रांतीला गुळाचे दान करावे.(astrology) यामुळे कुंडलीतील दुर्बल ग्रह बळकट होतात आणि प्रयत्नांना यश मिळते. वृषभ राशीच्या लोकांनी तांदळाचे दान केल्यास व्यवसायात लाभ आणि कौटुंबिक आनंद वाढतो. मिथुन राशीच्या लोकांनी मूगाची खिचडी दान करावी आणि गायीला हिरवा चारा दिल्यास चांगल्या बातम्या मिळण्याची शक्यता असते.कर्क राशीच्या लोकांसाठी तांदूळ, साखर आणि तीळ यांचे दान शुभ मानले जाते. यामुळे करिअरमध्ये प्रगती होते. कन्या राशीच्या लोकांनी गायींना हिरवा चारा खायला द्यावा आणि मूगाची खिचडी दान केल्यास संपत्ती आणि समृद्धीत वाढ होते, असे ज्योतिषशास्त्र सांगते.
तूळ राशीच्या लोकांनी पांढरे कपडे किंवा चिनीमाती दान केल्यास घरात (astrology)सुख-समृद्धी नांदते. वृश्चिक राशीच्या लोकांनी गूळ आणि तीळ दान केल्यास प्रलंबित कामे पूर्ण होतात आणि धनलाभ होतो. धनु राशीच्या व्यक्तींनी केशर दान केल्यास कायदेशीर बाबींमध्ये यश मिळते आणि समाजात मान-सन्मान वाढतो.मकर राशीच्या लोकांसाठी तेल आणि तीळ दान करणे अत्यंत लाभदायक मानले जाते. कुंभ राशीच्या लोकांनी गरीब आणि अपंगांना अन्नदान केल्यास उत्पन्नात वाढ होते. मीन राशीच्या लोकांनी रेशमी कपडे, तीळ आणि चणे दान केल्यास घरात सुख, समाधान आणि समृद्धी येते, अशी धार्मिक धारणा आहे. मकर संक्रांतीच्या दिवशी सूर्यदेवाला अर्घ्य देणे अत्यंत शुभ मानले जाते. ब्रह्ममुहूर्तावर उठून लाल वस्त्र परिधान करून तांब्याच्या भांड्यात पाणी, लाल फुले, कुंकू आणि तांदूळ घालून पूर्वेकडे तोंड करून सूर्याला अर्पण केल्यास सकारात्मक ऊर्जा मिळते. सूर्य मंत्रांचा जप केल्याने मानसिक शांती आणि आत्मविश्वास वाढतो, असे मानले जाते.
हेही वाचा :
देशातील साखरेच्या उत्पादनात जोरदार उसळी, महाराष्ट्राने युपीला टाकले मागे
एकनाथ शिंदेंचा उद्धव ठाकरेंना मोठा धक्का, शिवसेना शिंदे गटाची ताकद वाढली, मोठा पक्षप्रवेश