दिल्लीच्या प्रतिष्ठित लुटियन्स परिसरातील ‘टिहरी हाउस’ पुन्हा एकदा (luxurious) चर्चेच्या केंद्रस्थानी आले आहे. भगवान दास रोडवरील प्लॉट क्रमांक 5 वर तब्बल 3.2 एकरांवर पसरलेली ही ऐतिहासिक आणि आलिशान हवेली सुमारे 1000 कोटी रुपयांना विक्रीसाठी निश्चित झाल्याची माहिती समोर येत आहे. राजधानीतील रिअल इस्टेट क्षेत्रात या व्यवहारामुळे मोठी खळबळ उडाली असून हा सौदा अंतिम टप्प्यात पोहोचल्याचे सांगितले जात आहे.
‘टिहरी हाउस’ हे नाव टिहरी-गढवालच्या राजघराण्याशी (luxurious) जोडलेले आहे. ही मालमत्ता सध्या टिहरी-गढवाल संस्थानाचे महाराज म्हणून ओळखले जाणारे मनुजेंद्र शाह यांच्या मालकीची आहे. पूर्वी हे ठिकाण टिहरी गढवाल राजघराण्याचे अधिकृत निवासस्थान होते, त्यामुळे या हवेलीला ऐतिहासिक आणि सांस्कृतिक वारसा लाभला आहे. लुटियन्स दिल्लीतील अशा मोठ्या आणि प्रतिष्ठित मालमत्तांची विक्री क्वचितच होत असल्याने या व्यवहाराकडे सर्वांचे लक्ष लागले आहे.
मनुजेंद्र शाह त्यांच्या शाही जीवनशैलीमुळेही चर्चेत असतात. महागड्या (luxurious) आणि विंटेज कार्सचा त्यांना विशेष छंद असून त्यांच्या संग्रहात BMW, पोर्शसारख्या लक्झरी गाड्यांसह अनेक दुर्मिळ विंटेज कार्सचा समावेश आहे. देश-विदेशातील कार रॅलींमध्ये ते नियमित सहभागी होतात आणि काही प्रतिष्ठित रॅलींचे आयोजनही करतात. उच्चभ्रू सामाजिक संस्थांमध्ये त्यांची सक्रिय उपस्थितीही पाहायला मिळते.
त्यांची पत्नी माला राज्य लक्ष्मी शाह या टिहरी गढवाल मतदारसंघातून भारतीय जनता पक्ष च्या खासदार आहेत. त्यांचे सासरे मानवेंद्र शाह हे टिहरी गढवालचे अखेरचे नरेश होते आणि त्यांनीही अनेकदा खासदार म्हणून काम केले होते. त्यामुळे या कुटुंबाचा राजकीय आणि ऐतिहासिक वारसा विशेष मानला जातो.
दिल्लीतील टिहरी हाउस व्यतिरिक्त मनुजेंद्र शाह यांच्या (luxurious) मालकीच्या नरेंद्रनगर पॅलेस, आनंदा आणि नरेंद्रनगर येथील रिज हाऊससारख्या भव्य आणि ऐतिहासिक संपत्तींचाही उल्लेख केला जातो. दरम्यान, टिहरी हाउसची खरेदी ज्या उद्योगपतीकडून होत असल्याची चर्चा आहे, त्याच उद्योगपतीने भारताचे पहिले पंतप्रधान जवाहर लाल नेहरू यांच्या निवासस्थानाच्या खरेदीसाठी 1100 कोटी रुपयांचा करार केल्याचीही माहिती आहे. अधिकृत घोषणा अद्याप झालेली नसली तरी हा व्यवहार निश्चित झाल्यास राजधानीतील सर्वात मोठ्या आणि चर्चित रिअल इस्टेट डीलपैकी एक ठरणार आहे.
हेही वाचा :
मुलांसाठी विज्ञान-समर्थित आरोग्यपूरक: ‘वासु सुवर्णप्राशन ड्रॉप्स’चे फायदे आता क्लिनिकली मान्य
कुंडलीतील बुध ग्रह कमकुवत झाल्यास आयुष्यावर कसा होतो परिणाम ?
मोठी बातमी! एकनाथ खडसेंच्या अडचणी वाढल्या, सावदा पोलीस ठाण्यात गुन्हा दाखल, नेमकं काय आहे प्रकरण?