टिटवाळा येथून सात दिवसांपासून बेपत्ता असलेले एक वृद्ध जोडपे मुरबाडमध्ये मृतावस्थेत आढळले आहे. आर्थिक दबावामुळे त्यांनी आत्महत्या केली असावी असा पोलिसांना संशय आहे.
गेल्या सात दिवसांपासून बेपत्ता असलेल्या टिटवाळ्यातील वयोवृद्ध दांपत्य मृतअवस्थेत आढळलेत. या दांपत्याचे मृतदेह मुरबाड तालुक्यातील एका निर्जनस्थळी आढळून आले आहेत. महादू घरत (वय 85) आणि त्यांची पत्नी कमलाबाई घरत (वय 75) असे मृतांची नावे आहेत.(missing) त्यांच्यासोबत काय घडलं? दांपत्यानं आत्महत्या केली की त्यांची कोणी हत्या केली याचा तपास केला जातोय.
पोलिसांनी वर्तवलेल्या प्राथमिक अंदाजानुसार मुलीने त्यांच्यांकडे पैशांसाठी तगादा लावला होता. त्यामुळे त्यांनी आत्महत्या केली असावी असा पोलिसांच्या प्राथमिक अंदाज आहे. (missing) दरम्यान हे दांपत्य 23 तारखेपासून हे घरातून बेपत्ता होते. याबाबत त्यांच्या मुलीने टिटवाळा पोलीस ठाण्यात तक्रार दाखल केली होती. त्यानंतर पोलिसांकडून दोघांचा शोध सुरू होता.दरम्यान, शोधमोहीम सुरू असतानाच मुरबाड परिसरातील एका निर्जनस्थळी या दोघांचे मृतदेह आढळून आले. ही माहिती मिळताच मुरबाड पोलिसांनी घटनास्थळी धाव घेतली. त्यांनी पंचनामा करून मृतदेह ताब्यात घेतलेत आहेत. टिटवाळा पोलीस ठाण्याचे वरिष्ठ पोलीस निरीक्षक मुकेश ढगे यांनी सांगितले की, बेपत्ता तक्रारीनंतर दोघांचा शोध सुरू होता, मात्र आता त्यांचे मृतदेह आढळून आले आहेत.
या प्रकरणाचा पुढील तपास मुरबाड पोलीस करत आहेत. ही आत्महत्या आहे की घातपात, याबाबतही पोलिसांकडून सखोल तपास सुरू असून सर्व बाजूंनी चौकशी केली जात आहे. या घटनेमुळे शहरात हळहळ व्यक्त केली जात आहे.काही दिवसापूर्वी कल्याण तालुका पोलीस ठाण्याच्या हद्दीतील खडवली नदीच्या काठावर अज्ञात तरुणाचा मृतदेह आढळला होता. २१ एप्रिलला हा मृतदेह सापडला. तरुणाची दगडाने ठेचून हत्या केली असावी, (missing)अशी शक्यता पोलिसांनी व्यक्त केली आहे. मृत तरुणाचे वय अंदाजे २५ ते ३० आहे. वृत्त प्रसिद्ध करेपर्यंत त्याची ओळख पटलेली नाहीये. खडवली नदीकाठच्या परिसरात तरुणाचा मृतदेह आढळल्याची माहिती मिळाल्यानंतर टिटवाळा पोलीस घटनास्थळी पोहोचले. त्यांनी घटनास्थळाचा पंचनामा केला.
हेही वाचा
आता मंत्र्यांसोबत फक्त एकाच व्यक्तीला प्रवेश; मंत्रालयातील गर्दी टाळण्यासाठी महत्त्वाचा निर्णय
हादरवणारी घटना; आंब्याचे आमिष दाखवून अडीच वर्षीय चिमुरडीवर लैंगिक अत्याचार