देशातील पाच राज्यांच्या विधानसभा निवडणुकांचे निकाल (election) आणि महाराष्ट्रातील पोटनिवडणुकांनी राजकीय चित्र मोठ्या प्रमाणात बदलले आहे. पश्चिम बंगाल, आसाम, पुद्दुचेरी, तामिळनाडू आणि केरळ या राज्यांमध्ये झालेल्या निवडणुकांमध्ये मतदारांनी वेगवेगळ्या पक्षांना स्पष्ट कौल दिला आहे. या निकालांमुळे राष्ट्रीय पातळीवर भारतीय जनता पक्ष अधिक मजबूत झाल्याचे दिसून येत आहे, तर अनेक राज्यांमध्ये सत्तांतराची लाटही पाहायला मिळाली.
पश्चिम बंगाल मध्ये भाजपने मोठा विजय मिळवत ममता बॅनर्जी (election) यांच्या तृणमूल काँग्रेस ला मोठा धक्का दिला आहे. त्याचप्रमाणे आसाम मध्येही भाजपने सत्ता कायम राखत आपली पकड अधिक मजबूत केली आहे. केरळ मध्ये मात्र उलट चित्र पाहायला मिळाले असून काँग्रेस पक्षाने मोठ्या आघाडीसह सत्ता मिळवण्याच्या दिशेने वाटचाल केली आहे. तामिळनाडू मध्ये अभिनेता विजय यांच्या टीव्हीके पक्षाने दमदार कामगिरी करत पारंपरिक पक्षांना मोठे आव्हान दिले आहे, तर पुद्दुचेरी मध्येही भाजपने आपले वर्चस्व सिद्ध केले आहे.
दरम्यान, महाराष्ट्रातील पोटनिवडणुकांमध्ये महायुतीने एकतर्फी विजय मिळवत (election)विरोधकांना मोठा धक्का दिला आहे. बारामती येथे सुनेत्रा पवार यांनी विक्रमी मताधिक्याने विजय मिळवत नवा इतिहास रचला आहे. त्यांच्या या विजयामुळे राज्यातील राजकीय समीकरणांवर मोठा परिणाम होण्याची शक्यता व्यक्त केली जात आहे. तसेच राहुरी मतदारसंघात अक्षय कर्डिले यांनी प्रचंड मताधिक्याने विजय मिळवत शरद पवार यांच्या गटाला मोठा धक्का दिला आहे. या निकालांमुळे राज्यात महायुतीची ताकद अधिक वाढल्याचे स्पष्ट झाले असून आगामी राजकारणात त्याचा मोठा प्रभाव दिसून येण्याची शक्यता आहे.
हेही वाचा
आता OTP शिवाय मिळणार आधार कार्ड, मोबाइल नंबर लिंकचं टेन्शन संपलं; वाचा महत्वाचे बदल
लाडक्या बहिणींना सरकारचा मोठा झटका, या महिलांचे पैसे कायमचे बंद
मोठी बातमी! राजकारणात पुन्हा मोठा भूकंप? भाजप एकनाथ शिंदेंना देणार मोठा धक्का ?