उन्हाळा असो वा हिवाळा, लिंबू हे प्रत्येक भारतीय स्वयंपाकघराचा अविभाज्य भाग आहे.(lemon) सॅलडमध्ये चव आणण्यासाठी, चहात टाकण्यासाठी, लोणचं तयार करण्यासाठी किंवा लिंबूपाणी बनवण्यासाठी लिंबाचा वापर मोठ्या प्रमाणावर होतो. अनेक जण वजन कमी करण्यासाठी देखाल लिंबाचा वापर करतात पण अर्ध्या लिंबूचे काय करावे हा प्रश्न अनेकांना पडतो अशात तुम्ही काही टिप्स वापरून शकता.लिंबू हे प्रत्येक भारतीय स्वयंपाकघरातील अविभाज्य घटक मानले जातात. सॅलड, चहा, लोणचं किंवा लिंबूपाणी – प्रत्येक पदार्थात लिंबाचा ताजा रस टाकला की त्याची चव दुप्पट होते. एवढंच नाही तर लिंबामध्ये असलेले व्हिटॅमिन C, अँटिऑक्सिडंट्स आणि मिनरल्स आरोग्यासाठीही खूप फायदेशीर असतात. पण याच लिंबांच्या साली पातळ असल्याने आणि रस जास्त असल्याने त्यात आर्द्रता टिकते. योग्य साठवण न केल्यास ही आर्द्रता लवकरच आटते, परिणामी लिंबू आकुंचन पावतात, सुकतात किंवा बुरशी लागून खराब होतात.
सामान्यतः काही दिवसांतच लिंबू मऊ होऊ लागतात आणि वापरण्यायोग्य राहत नाहीत. त्यामुळे ते ताजे ठेवण्यासाठी नेहमी फ्रीजमध्ये ठेवण्याचा सल्ला दिला जातो. पण फक्त फ्रीजमध्ये ठेवून उपयोग होत नाही; योग्य पद्धतीने साठवण केली तरच लिंबू दीर्घकाळ ताजेतवाने राहतात. पारंपरिक पद्धतींमध्ये पाण्यात साठवणे, मीठाचा डबा वापरणे, पेपरमध्ये गुंडाळणे किंवा हवाबंद डब्यात ठेवणे असे अनेक घरगुती उपाय वापरले जातात. यासाठी पुनम देवनानी यांनी त्यांच्या सोशल मीडियावर काही टिप्स शेअर केल्या आहेत. त्या जाणून घेऊयात. या सोप्या टिप्सचा वापर करून तुम्ही देखील घरातील लिंबाचे आयुष्य वाढवू शकता.
लिंबू रेफ्रिजरेटरमध्ये व्यवस्थित साठवा. बहुतेक लोक लिंबू थेट फ्रिजमध्ये ठेवतात, परंतु उघडे ठेवलेले लिंबू फ्रिजच्या थंड हवेमुळे हळूहळू कोरडे पडतात आणि सालीवर सुरकुत्या येऊ लागतात. (lemon) त्यामुळे लिंबाचा रस कमी होतो आणि ते वापरण्यायोग्य राहत नाहीत. हे टाळण्यासाठी लिंबू पॉलिथिन पिशवीत ठेवून ती घट्ट बांधा किंवा हवाबंद डब्यात भरून ठेवा.
अशा प्रकारे बंदिस्त ठेवलेले लिंबू २ ते ३ आठवडे सहज ताजेतवाने राहतात. काहीजण लिंबू ठेवताना त्यात एक छोटासा टिश्यू पेपर किंवा कापड ठेवतात, ज्यामुळे अतिरिक्त आर्द्रता शोषली जाते आणि लिंबू खराब होत नाहीत. शिवाय, लिंबू फ्रिजमध्ये ठेवताना त्यांना फळ-भाज्यांच्या खास ड्रॉवरमध्ये ठेवल्यास त्यांचे तापमान आणि ओलावा संतुलित राहतो.लिंबू जास्त काळ ताजे ठेवण्यासाठी आजी वापरलेली एक पारंपरिक घरगुती युक्ती म्हणजे लिंबू पाण्यात ठेवणे. एका स्वच्छ कंटेनरमध्ये पाणी भरून त्यात लिंबू बुडवून ठेवा आणि तो कंटेनर रेफ्रिजरेटरमध्ये ठेवा. पाण्यातील ओलावा लिंबाच्या सालीला सतत ओलसर ठेवतो, त्यामुळे लिंबू लवकर कोरडे पडत नाहीत.
यामुळे त्यांचा रस टिकून राहतो आणि ते आठवड्यांनंतरही ताजेतवाने दिसतात.ही पद्धत खास करून उन्हाळ्यात अत्यंत उपयुक्त ठरते, कारण गरमीमध्ये लिंबाचा रस लवकर आटतो आणि साले सुरकुततात. दर ३-४ दिवसांनी कंटेनरमधील पाणी बदलल्यास लिंबू अधिक काळ ताजे राहतात आणि त्यावर बुरशीसारखा थरही बसत नाही.लिंबू कापडात किंवा वर्तमानपत्रात गुंडाळून ठेवले, तर त्यांची साल कोरडी पडत नाही आणि आतील रसही दीर्घकाळ टिकतो. ही पद्धत लिंबामधील नैसर्गिक ताजेपणा, चव आणि सुगंध जपण्यास मदत करते. शिवाय, लिंबू एकमेकांना लागून ठेवल्यास ते लवकर खराब होतात, पण गुंडाळल्यामुळे प्रत्येक लिंबू वेगळा राहतो आणि कुजण्याची शक्यता कमी होते. विशेषतः उन्हाळ्यात ही पद्धत जास्त उपयोगी पडते, कारण त्या काळात लिंबू लवकर कोमेजतात.
लिंबू आधीच अर्धा कापलेला असेल, तर तो जास्त दिवस ताजा राहावा यासाठी काही सोपे उपाय करता येतात. लिंबावर थोडे मीठ घालून किंवा हवाबंद डब्यात ठेवून त्याचा रस कोरडा पडण्यापासून वाचवता येतो. तसेच, कट साइड खाली करून छोट्या प्लेटमध्ये ठेवणे किंवा पारदर्शक प्लास्टिक फिल्मने झाकणे हीसुद्धा उत्तम पद्धत आहे.(lemon) काचेच्या बाटलीत लिंबू साठवणे ही एक पारंपरिक आणि प्रभावी पद्धत आहे. त्यावर थोडे मीठ शिंपडल्यास लिंबाचा रस बाहेर पडत नाही आणि साल कोरडी पडण्यापासून वाचते, त्यामुळे लिंबू जास्त काळ ताजा राहतो. याचप्रमाणे, लिंबाचा रस काढून हवाबंद बाटलीत रेफ्रिजरेटरमध्ये ठेवल्यास त्याचे शेल्फ लाइफ वाढते आणि गरजेनुसार लगेच वापरता येतो. जास्त काळासाठी ठेवायचा असल्यास, लिंबाचा रस आईस ट्रेमध्ये गोठवून बर्फाचे तुकडे तयार करता येतात.
हेही वाचा :
भारत-पाक क्रिकेटवर दिलजीत दोसांझचे सवाल! ‘माझा मुव्ही
…तर शिवसेना शेतकऱ्यांसह थेट रस्त्यावर उतरणार, उद्धव ठाकरेंचा….
परीक्षेला निघालेल्या विद्यार्थिनीला कारनं उडवलं