भारत विरुद्ध दक्षिण आफ्रिका यांच्यामध्ये काल पहिला सामना संपला होता. या सामन्यामध्ये भारताच्या(Indian) संघाला पराभवाचा सामना करावा लागला. दक्षिण आफ्रिकेच्या संघाने या सामन्यामध्ये 30 धावांनी विजय मिळवला आणि मालिकेमध्ये आघाडी घेतली आहे. टीम इंडियाचा कर्णधार शुभमन गिलला दक्षिण आफ्रिकेविरुद्ध ईडन गार्डन्स येथे झालेल्या पहिल्या कसोटी सामन्यात दुखापत झाली होती. पहिल्या डावात फलंदाजी करताना त्याला मानेला दुखापत झाली होती, ज्यामुळे तो दुसऱ्या डावात फलंदाजी करू शकला नाही.
गिलला रुग्णालयात दाखल करण्यात आले होते आणि आता अहवालानुसार त्याला डिस्चार्ज देण्यात आला आहे. काही दिवसांत त्याचे मूल्यांकन केले जाईल आणि जर त्याची प्रकृती स्थिर राहिली तर तो ईडन कसोटीतील दक्षिण आफ्रिकेविरुद्धच्या लाजिरवाण्या पराभवाचा बदला गुवाहाटीमध्ये घेईल.दुसऱ्या दिवशी फलंदाजीसाठी आलेल्या शुभमन गिलला शॉट मारल्यानंतर मानेला वेदना जाणवू लागल्या. परिणामी, तो फक्त तीन चेंडूंनंतर निवृत्त झाला. गिल फलंदाजीला परतला नाही आणि त्याला वुडलँड्स मल्टीस्पेशालिटी हॉस्पिटलमध्ये दाखल करण्यात आल्याचे उघड झाले. त्याच्या मानेवर उपचार सुरू होते आणि बीसीसीआयने गिलला इंटर-स्पायनल लिगामेंट दुखापत झाल्याचे अपडेट दिले. आता असे वृत्त आहे की गिलला रुग्णालयातून डिस्चार्ज देण्यात आला आहे. डॉक्टरांनी भारतीय कसोटी कर्णधाराला दोन ते तीन दिवस विश्रांती घेण्याचा सल्ला दिला आहे.
गिल सध्या बीसीसीआयच्या वैद्यकीय पथकासह हॉटेलमध्ये आहे. भारत आणि दक्षिण आफ्रिका यांच्यातील दुसरा कसोटी सामना २२ नोव्हेंबर रोजी गुवाहाटी येथे सुरू होईल. या सामन्यासाठी (Indian)अजून पाच दिवस शिल्लक आहेत आणि वृत्तानुसार, गिलची सुमारे दोन दिवस चाचणी घेतली जाईल. जर तो पूर्णपणे तंदुरुस्त असेल आणि त्याच्या मानदुखीचा त्रास कमी झाला असेल, तर तो दक्षिण आफ्रिकेविरुद्धच्या दुसऱ्या कसोटी सामन्यात खेळू शकेल.
गिल हा टीम इंडियाच्या फलंदाजी क्रमाचा एक महत्त्वाचा भाग आहे आणि पहिल्या कसोटीच्या दुसऱ्या डावात त्याची अनुपस्थिती जाणवली. भारत १२४ धावांचे लक्ष्य गाठण्यात अपयशी ठरला आणि ३० धावांनी पराभूत झाला. आता, गिल पुनरागमन करण्याचा आणि दक्षिण आफ्रिकेविरुद्धच्या अपमानास्पद पराभवाचा बदला घेण्याचा प्रयत्न करेल.
हेही वाचा :
इमरान हाशमीला पुन्हा मोठा धक्का! 8 वर्षांत सलग 7वा चित्रपट फ्लॉप
देशावर मोठं संकट! पुढील 24 तास सर्वात जास्त धोक्याचे
महाराष्ट्रातल्या 1 कोटी ‘लाडक्या बहिणी’ योजनेतून बाहेर?