ऑस्ट्रेलियाविरुद्धच्या तीन सामन्यांच्या मालिकेतील निर्णायक तिसऱ्या टी20 सामन्यात (third T20I) टीम इंडियाने शानदार विजय मिळवत मालिकेवर शिक्कामोर्तब केले. भारताने प्रथम फलंदाजी करत 176 धावांचे आव्हान उभे केले होते. प्रत्युत्तरात ऑस्ट्रेलियाचा संघ 159 धावांपर्यंतच मजल मारू शकला आणि भारताने हा सामना 17 धावांनी जिंकत दमदार कामगिरी नोंदवली.
या विजयात भारताची स्टार सलामीवीर स्मृती मंधाना हिने (third T20I) महत्त्वाची भूमिका बजावली. तिने 55 चेंडूत 8 चौकार आणि 3 षटकारांच्या जोरावर 82 धावांची तुफानी खेळी साकारली. तिचा स्ट्राईक रेट 149.09 इतका प्रभावी होता. शतकाच्या दिशेने वाटचाल सुरू असताना ती अवघ्या 18 धावांनी शतकापासून दूर राहिली. षटकार मारण्याच्या प्रयत्नात तिचा झेल घेतला गेला आणि एक संस्मरणीय खेळी थोडक्यात अपूर्ण राहिली.
मंधानाने या सामन्यात आपले 35वे टी20 अर्धशतक पूर्ण केले. तिने केवळ 38 चेंडूत अर्धशतक झळकावले आणि त्यानंतर पुढील 15 चेंडूत आणखी 30 धावा जोडत डाव अधिक भक्कम केला. तिच्या आक्रमक फलंदाजीमुळे भारताला मोठी धावसंख्या उभारता आली.
तिने जेमिमा रॉड्रिग्जसोबत दुसऱ्या विकेटसाठी 121 धावांची भागीदारी (third T20I) रचत संघाचा डाव सावरला. या खेळीमुळे ऑस्ट्रेलियन भूमीवर टी20 आंतरराष्ट्रीय सामन्यात 80 पेक्षा अधिक धावा करणारी ती पहिली भारतीय महिला फलंदाज ठरली. तसेच ऑस्ट्रेलियात टी20 आंतरराष्ट्रीय क्रिकेटमध्ये 500 हून अधिक धावा करणारीही ती पहिली भारतीय खेळाडू बनली आहे.
ऑस्ट्रेलियाच्या भूमीत तिने आतापर्यंत 18 डावांत चार अर्धशतकांसह एकूण 529 धावा केल्या आहेत. निर्णायक सामन्यातील तिच्या या प्रभावी कामगिरीमुळे भारताचा विजय अधिकच खास ठरला आहे.
हेही वाचा :
स्मार्ट वॉच खरेदी करण्याचा विचार करताय? मग हे आहे सर्वात बेस्ट
‘प्लास्टिकमध्ये गुंडाळून जेवण’चा विचित्र ट्रेंड व्हायरल; आरोग्यावर परिणामांबाबत नेटिझन्स चिंतेत