बिहारमधील सीतामढी जिल्ह्यात रविवारी रात्री गणेश उत्सवानिमित्त उभारलेल्या मंडपात मोठा गोंधळ उडाला. परिहारचे आमदार गायत्री देवी आणि त्यांचे पती माजी आमदार (political)रामनरेश यादव यावेळी मंडपात उपस्थित होते आणि ते थोडक्यात बचावले.
मिळालेल्या माहितीनुसार, बाबा परिहार ठाकूर मंदिर परिसरात झालेल्या कार्यक्रमादरम्यान पूजा समितीच्या सदस्यांमध्ये आणि काही स्थानिकांमध्ये वाद झाला. रात्री आमदार दाम्पत्य जागरणासाठी पोहोचले असता, अज्ञात व्यक्तीने अचानक गोळीबार केल्याची चर्चा पसरली. पोलिसांनी मात्र प्रत्यक्ष गोळीबार झाल्याचे नाकारले असून, केवळ हाणामारी झाल्याचे स्पष्ट केले.
या गोंधळात पूजा समितीचे सचिव प्रीतम कुमार(political) प्यारे यांच्यावर अज्ञात व्यक्ती व त्याच्या साथीदारांनी हल्ला केला. त्यांना गंभीर दुखापत झाली असून त्यांच्यावर उपचार सुरू आहेत.
या घटनेनंतर परिसरात काही काळ तणाव निर्माण झाला होता. पोलीस घटनास्थळी दाखल झाले असून परिस्थिती नियंत्रणात असल्याचे सांगितले आहे. पुढील तपास सुरू आहे.
हेही वाचा :
मोठी बातमी, आंदोलकांचा शेअर मार्केटमध्ये घुसण्याचा प्रयत्न
मराठा आंदोलकांकडून महिला पत्रकारासोबत गैरवर्तन?
तुमचा Gmail पासवर्ड लगेच बदला! स्वत: गुगलनेच दिला वापरकर्त्यांना इशारा, धक्कादायक कारण…