निवृत्तीनंतरचे जीवन आर्थिकदृष्ट्या सुरक्षित, सन्मानपूर्ण आणि तणावमुक्त असावे, (facility)ही प्रत्येकाचीच इच्छा असते. याच उद्देशाने स्टेट बँक ऑफ इंडिया ने केंद्र सरकारच्या पेन्शनधारकांसाठी ‘कॉम्प्रिहेन्सिव पेंशन पॅकेज’ ही विशेष योजना सुरू केली आहे. ही केवळ एक साधी बँक खाते सेवा नसून, ज्येष्ठ नागरिकांच्या दैनंदिन गरजांपासून ते आपत्कालीन परिस्थितीपर्यंत सर्व बाबींची काळजी घेणारे व्यापक सुरक्षा कवच म्हणून या पॅकेजकडे पाहिले जात आहे. अर्थ मंत्रालयाच्या वित्तीय सेवा विभागाच्या पुढाकाराने हे पॅकेज सादर करण्यात आले असून, पेन्शनधारकांसाठी बँकिंग अधिक सोपे, सुरक्षित आणि लाभदायक बनवणे हा यामागचा मुख्य उद्देश आहे. SBI च्या या उपक्रमामुळे देशातील कोट्यवधी निवृत्त कर्मचारी आणि त्यांच्या कुटुंबीयांना मोठा दिलासा मिळणार आहे.
या पॅकेजचा सर्वात मोठा फायदा म्हणजे किमान शिल्लक न ठेवण्याची मुभा (facility). केंद्र सरकारचे पेन्शनधारक तसेच वय 70 वर्षे किंवा त्याहून अधिक असलेल्या ज्येष्ठ नागरिकांना या खात्यात शून्य शिल्लक असतानाही कोणतेही दंड किंवा शुल्क आकारले जाणार नाही. त्यामुळे नियमित व्यवहार करताना आर्थिक ताण जाणवणार नाही.याशिवाय, खातेदारांना एसएमएस अलर्ट पूर्णपणे मोफत मिळणार असून, रुपे प्लॅटिनम गोल्ड डेबिट कार्ड देखील कोणत्याही वार्षिक शुल्काशिवाय दिले जाणार आहे. या कार्डवर विविध सवलती आणि अतिरिक्त फायदे मिळण्याची शक्यता असल्याने पेन्शनधारकांसाठी दैनंदिन व्यवहार अधिक सोयीचे ठरणार आहेत.
या पॅकेजची खरी ताकद म्हणजे त्यामध्ये समाविष्ट असलेले व्यापक विमा संरक्षण. (facility))खातेदाराचा अपघाती मृत्यू झाल्यास कुटुंबाला तब्बल 30 लाख रुपयांपर्यंतचे वैयक्तिक अपघात विमा संरक्षण मिळणार आहे. यासोबतच, आपत्कालीन परिस्थितीत एअर अॅम्ब्युलन्ससाठी 10 लाख रुपयांपर्यंतची मदत आणि सामान्य अॅम्ब्युलन्ससाठी 50 हजार रुपयांपर्यंतचा खर्च दिला जाणार आहे. SBI ने या योजनेत पेन्शनधारकांच्या कुटुंबीयांचाही समावेश केला आहे. अपघात झाल्यास कुटुंबातील दोन सदस्यांना घटनास्थळी पोहोचण्यासाठी प्रत्येकी 50 हजार रुपयांपर्यंतचा प्रवास खर्च दिला जाईल. तसेच मृतदेह परत आणण्यासाठीही 50 हजार रुपयांची तरतूद करण्यात आली आहे, त्यामुळे कठीण काळात आर्थिक अडचण कमी होण्यास मदत होणार आहे.
या पॅकेजमध्ये कुटुंबाच्या भविष्यासाठीही विशेष तरतूद करण्यात आली आहे. (facility))18 ते 25 वयोगटातील मुलांसाठी उच्च शिक्षणासाठी 8 लाख रुपयांपर्यंतची आर्थिक मदत मिळणार असून, मुलगी असल्यास ही रक्कम 10 लाख रुपयांपर्यंत वाढवण्यात आली आहे. त्यामुळे शिक्षणाच्या खर्चाची चिंता कमी होऊन पालकांना दिलासा मिळणार आहे. सध्या ही योजना प्रामुख्याने SBI मार्फत राबवण्यात येत असली तरी, भविष्यात पंजाब नॅशनल बँक, बँक ऑफ बडोदा, कॅनरा बँक आणि इंडियन बँक यांसारख्या इतर सार्वजनिक क्षेत्रातील बँकाही अशाच स्वरूपाची पॅकेजेस सुरू करण्याची शक्यता आहे. या योजनेचा लाभ घ्यायचा असल्यास पात्र पेन्शनधारकांनी आपल्या जवळच्या SBI शाखेशी संपर्क साधावा, असे आवाहन करण्यात आले आहे.
हेही वाचा :
मराठी रीलस्टार प्रथमेश कदमचे दुःखद निधन; चाहत्यांना मोठा धक्का!
प्रत्येक गोष्टीत राजकारण कशाला?…