आजकाल “फोन एक्सपायर झाला” हा शब्दप्रयोग अनेकदा ऐकायला मिळतो आणि त्यामुळे (phone expired) अनेकजण गोंधळून जातात. कारण स्मार्टफोन म्हणजे दूध किंवा ब्रेडसारखी एक्सपायरी डेट असलेली वस्तू नाही. मात्र तांत्रिक भाषेत “एक्सपायर” म्हणजे कंपनीकडून त्या विशिष्ट मॉडेलसाठी सॉफ्टवेअर आणि सिक्युरिटी अपडेट्स देणे बंद होणे. फोन बाजारात लाँच करताना कंपन्या साधारणपणे सांगतात की या मॉडेलला ठराविक वर्षांपर्यंत अपडेट्स दिले जातील. हा कालावधी संपल्यानंतर नवीन अपडेट्स येणे थांबते आणि तेव्हापासून फोन तांत्रिकदृष्ट्या ‘एक्सपायर’ मानला जातो.
स्मार्टफोनमध्ये येणारे सिक्युरिटी अपडेट्स अत्यंत महत्त्वाचे असतात. कारण (phone expired) तंत्रज्ञान क्षेत्रात सतत नवीन धोके आणि हॅकिंगचे प्रकार समोर येत असतात. अपडेट्सच्या माध्यमातून कंपन्या सुरक्षेतील त्रुटी दूर करतात आणि फोन अधिक सुरक्षित ठेवतात. परंतु जेव्हा अपडेट्स बंद होतात, तेव्हा त्या फोनमधील कमकुवतपणा दुरुस्त होत नाही. परिणामी, हॅकर्स आणि स्कॅमर्सना अशा फोनमध्ये प्रवेश मिळवणे तुलनेने सोपे जाते.
अशा परिस्थितीत फोनमधील फोटो, व्हिडिओ, कॉन्टॅक्ट्स, पासवर्ड, तसेच बँकिंग आणि इतर महत्त्वाच्या ॲप्सची माहिती धोक्यात येऊ शकते. हॅकर्सना जर फोनमध्ये प्रवेश मिळाला, तर OTP वाचणे, आर्थिक व्यवहारांवर लक्ष ठेवणे किंवा वैयक्तिक माहितीचा गैरवापर करणे शक्य होते. त्यामुळे आर्थिक फसवणूक किंवा डेटा चोरीचा धोका वाढतो.
म्हणूनच, जर तुमच्या फोनला कंपनीकडून सिक्युरिटी (phone expired) अपडेट्स मिळणे थांबले असेल, तर तो फोन वापरताना अधिक सतर्क राहणे आवश्यक आहे. शक्य असल्यास नवीन अपडेट्स मिळणारा आणि दीर्घकालीन सॉफ्टवेअर सपोर्ट असलेला फोन निवडणे अधिक सुरक्षित पर्याय ठरू शकतो. कारण नियमित अपडेट्स हेच फोनच्या सुरक्षिततेचे सर्वात मोठे संरक्षण असते. वेळेवर योग्य निर्णय घेतल्यास भविष्यातील मोठ्या धोक्यांपासून स्वतःचा डेटा आणि आर्थिक व्यवहार सुरक्षित ठेवता येऊ शकतात.
हेही वाचा :
अल्पवयीन मुलांना सोशल मीडियावर बंदी? केंद्र सरकार घेणार मोठा निर्णय?
टीम इंडियाचा पहिला पराभव, ऑस्ट्रेलिया विरुद्ध मोठी संधी गमावली, काय झालं?
एपस्टीन फाइल्स प्रकरणात सर्वात मोठी अटक! या दिग्गजावर कारवाई होताच जगात खळबळ