हिंदी चित्रपटसृष्टीच्या सुवर्णकाळातील सुप्रसिद्ध अभिनेते आणि निर्माते (producer) सुदेश कुमार यांचे नुकतेच निधन झाले आहे. वयाच्या ९५ व्या वर्षी त्यांनी मुंबईतील ब्रीच कँडी रुग्णालयात अखेरचा श्वास घेतला. त्यांच्या निधनाने संपूर्ण मनोरंजन विश्वावर शोककळा पसरली असून, एका महान पर्वाचा अंत झाला आहे.ज्येष्ठ अभिनेते सुदेश कुमार यांना १ मे रोजी ब्रेन स्ट्रोकआल्याने तातडीने रुग्णालयात दाखल करण्यात आले होते. मात्र, उपचारादरम्यान त्यांची प्राणज्योत मालवली. त्यांची कन्या मिशिका धवन जमतनी यांनी या वृत्ताला दुजोरा दिला आहे. त्यांच्या पार्थिवावर त्याच दिवशी शिवाजी पार्क स्मशानभूमीत अंत्यसंस्कार करण्यात आले, जिथे चित्रपटसृष्टीतील अनेक दिग्गजांनी त्यांना अखेरचा निरोप दिला. त्यांच्या स्मरणार्थ आज, ४ मे रोजी एका विशेष प्रार्थना सभेचे आयोजन करण्यात आले आहे.
१९५० ते १९७० च्या दशकात सुदेश कुमार यांनी आपल्या साध्या पण(producer) प्रभावी अभिनयाने प्रेक्षकांच्या मनावर अधिराज्य गाजवले. ‘पृथ्वी थिएटर’मधून आपल्या कारकिर्दीची सुरुवात करणाऱ्या सुदेश कुमार यांनी तिथेच अभिनयाचे खरे धडे गिरवले. ‘छोटी बहन’१९५९, ‘सारंगा’ १९६१, ‘रॉकेट गर्ल’, ‘पैसे’, ‘खानदान’, ‘वारिस’ आणि ‘मन मंदिर’ यांसारख्या अनेक कल्ट चित्रपटांमध्ये त्यांनी आपल्या उत्कृष्ट अभिनयाचा ठसा उमटवला.
सुदेश कुमार हे राज कपूर यांच्या अनेक महत्त्वाच्या प्रोजेक्ट्सचा अविभाज्य (producer) भाग होते. त्यांनी केवळ एक उत्तम ‘कॅरेक्टर आर्टिस्ट’ म्हणूनच नव्हे, तर पडद्यामागेही मोलाचे योगदान दिले. १९६६ मध्ये प्रदर्शित झालेल्या आणि प्रचंड गाजलेल्या ‘दो बदन’ या चित्रपटासाठी त्यांनी सहाय्यक दिग्दर्शक म्हणूनही यशस्वीरीत्या जबाबदारी सांभाळली होती. त्यांच्या निधनाने चित्रपटसृष्टीने एक हरहुन्नरी आणि प्रतिभावान कलाकार गमावला आहे.
हेही वाचा
आता OTP शिवाय मिळणार आधार कार्ड, मोबाइल नंबर लिंकचं टेन्शन संपलं; वाचा महत्वाचे बदल
लाडक्या बहिणींना सरकारचा मोठा झटका, या महिलांचे पैसे कायमचे बंद
मोठी बातमी! राजकारणात पुन्हा मोठा भूकंप? भाजप एकनाथ शिंदेंना देणार मोठा धक्का ?