अंडी(eggs) रेफ्रिजरेटरमध्ये ठेवायची की बाहेर — हा प्रश्न अनेकांच्या मनात कायम निर्माण होतो. काहींना वाटतं की अंडी फ्रिजमध्ये ठेवली तर त्यांची चव आणि पौष्टिकता कमी होते, तर काहींच्या मते अन्न सुरक्षेसाठी फ्रिजमध्ये ठेवणे अत्यावश्यक आहे. प्रत्यक्षात, अंड्यांची साठवणूक ही वातावरणानुसार बदलते. भारतासारख्या उष्ण देशांमध्ये अंडी न धुता विकली जातात आणि त्यामुळे त्यांचा ताजेपणा टिकवण्यासाठी रेफ्रिजरेटरमध्ये ठेवणे अधिक योग्य ठरते.
फ्रिजमध्ये ठेवताना मात्र एक गोष्ट लक्षात ठेवावी — अंडी दारात ठेवू नयेत. कारण प्रत्येक वेळी दार उघडल्याने तापमान बदलते आणि अंडी लवकर खराब होऊ शकतात. त्याऐवजी ती फ्रिजच्या सर्वात थंड भागात साठवावीत. तसेच अंडी धुवून ठेवू नयेत, कारण धुतल्याने त्यावरील नैसर्गिक आवरण निघून जाते आणि त्यामुळे बॅक्टेरिया वाढण्याची शक्यता वाढते.
अंडी (eggs)त्यांच्या मूळ ट्रेमध्ये ठेवणे उत्तम, कारण त्यामुळे ती धूळ आणि संसर्गापासून सुरक्षित राहतात. साठवताना अंड्याचा टोकदार भाग खाली आणि गोलाकार भाग वर असा ठेवावा, यामुळे अंड्यातील हवेची थैली सुरक्षित राहते आणि त्यांचे आयुष्य वाढते.जर अंडी दोन दिवसांत वापरायची असतील तर ती थंड, कोरड्या जागी खोलीच्या तपमानावर ठेवू शकता. मात्र, एकदा फ्रिजमध्ये ठेवली की पुन्हा बाहेर काढून वारंवार तापमान बदल होणार नाही याची काळजी घ्या. योग्य पद्धतीने साठवणूक केल्यास अंडी दीर्घकाळ ताजी राहतात आणि त्यांचे पौष्टिक मूल्य टिकून राहते.
हेही वाचा :
नशीब पूर्णपणे बदलण्याआधी मिळतात हे 4 संकेत…
चक्रीवादळाचा धोका हवामान विभागाचा सतर्कतेचा इशारा…
शिंदे गटाला मोठा हादरा, ‘हा’ नेता भाजपमध्ये जाणार…