उत्तर प्रदेशातील हमीरपूर जिल्ह्यातून एक मन हेलावणारी घटना समोर आली आहे. येथे एका व्यक्तीने घरगुती वादातून पत्नीची हत्या केली. यानंतर त्याने आपल्या तीन वर्षांच्या मुलाला आईच्या मृतदेहाशेजारी (leader)कोंडून पळ काढला. या घटनेने संपूर्ण परिसरात खळबळ उडाली आहे.ही भयंकर घटना मौदाहा पोलीस स्टेशन हद्दीतील एका गावात घडली. आरोपी मुईनुद्दीन आणि त्याची पत्नी रोशनी (वय २४) यांच्यात शनिवारी रात्री कडाक्याचे भांडण झाले. रागाच्या भरात मुईनुद्दीनने लोखंडी रॉडने रोशनीवर हल्ला केला. या हल्ल्यात तिचा जागीच मृत्यू झाला. यानंतर आरोपीने आपल्या तीन वर्षांच्या मुलाला, असदला , रक्ताने माखलेल्या मृतदेहाजवळ सोडून खोलीला बाहेरून कुलूप लावले आणि पळ काढला.
रविवारी सकाळी शेजाऱ्यांना खोलीतून मुलाच्या रडण्याचा आवाज आला. त्यांनी नातेवाईकांना (युसूफ अली, कमरुद्दीन) कळवले, ज्यांनी पोलिसांना बोलावले. पोलीस स्टेशन प्रभारी उमेश यादव आणि सीओ राजेश कमल यांनी दरवाजा तोडला, तेव्हा आतील दृश्य पाहून सर्वांनाच धक्का बसला. तीन वर्षांचा असद (leader)आईच्या मृतदेहाजवळ बसून रडत होता. पोलिसांनी मृतदेह शवविच्छेदनासाठी पाठवून फॉरेन्सिक टीमला पाचारण केले. रोशनीची आई इशरत बानो यांनी जावयाविरुद्ध तक्रार दाखल केली
पोलिसांनी आरोपी मुईनुद्दीनला शोधून ताब्यात घेतले आहे. तो सरकारी रेशन विक्रेता होता आणि भाजप अल्पसंख्याक मोर्चाचा माजी मंडळ अध्यक्षही होता. धक्कादायक म्हणजे, मुईनुद्दीनवर दहा वर्षांपूर्वी त्याच्या भावासह (कमरुद्दीन) एका हत्येचा आरोप होता, ज्यासाठी तो तुरुंगातही गेला होता. जामिनावर सुटल्यानंतर तो भाजपमध्ये सामील झाला होता.शेजाऱ्यांच्या मते, मुईनुद्दीनला दारूचे आणि ड्रग्जचे व्यसन होते, यावरूनच त्याचे आणि रोशनीचे वारंवार खटके उडत असत. सुमारे चार वर्षांपूर्वी त्यांनी कुटुंबीयांच्या इच्छेविरुद्ध प्रेमविवाह (कोर्ट मॅरेज) केला होता. रोशनीचे हे दुसरे लग्न होते. अतिरिक्त पोलीस अधीक्षक मनोज कुमार गुप्ता यांनी आरोपीवर कायदेशीर कारवाई सुरू असल्याचे सांगितले.
हेही वाचा :
खराब वातावरणात आवर्जून प्या काढा, सर्दी-खोकला होईल छुमंतर
शालेय शिष्यवृत्तीत मोठा बदल; विद्यार्थ्यांना हजारो रुपये मिळणार
गौरवाड ता. शिरोळ येथे दिवाळीनिमित्त भव्य किल्ला स्पर्धा संपन्न