भारतीय(Indian) क्रिकेटच्या नव्या पिढीतील दोन उदयोन्मुख तारे — अभिषेक शर्मा आणि शुबमन गिल — सध्या चर्चेत आहेत. दोघे केवळ मैदानावरील कामगिरीसाठीच नव्हे तर त्यांची मैत्री आणि एकाच गुरुशी असलेले नाते यासाठीही प्रसिद्ध आहेत. बालपणापासून एकत्र क्रिकेट खेळणारे हे दोघे 13-14 व्या वर्षापासूनचे मित्र असून, दोघांचेही गुरु आहेत टीम इंडियाचे माजी अष्टपैलू खेळाडू युवराज सिंह.
सध्या टीम इंडिया ऑस्ट्रेलिया दौऱ्यावर आहे आणि पाच सामन्यांच्या टी20 मालिकेत दोन्ही संघ 1-1 अशी बरोबरीत आहेत. चौथा सामना 6 नोव्हेंबरला गोल्ड कोस्ट येथे खेळवला(Indian) जाणार आहे. त्याआधी अभिषेक आणि शुबमनने थोडा मोकळा वेळ काढून गोल्ड कोस्टच्या समुद्रकिनारी मजा केली. दोघांनी बीचवर शर्टलेस होऊन घेतलेले काही फोटो अभिषेकने सोशल मीडियावर शेअर केले.
हे फोटो पाहून युवराज सिंह यांनी आपल्या दोन्ही शिष्यांना मस्करीत फटकारले. त्यांनी अभिषेकच्या पोस्टवर पंजाबीमध्ये कमेंट केली – “जूती लावां दोना दे”, म्हणजेच “दोघांना बुटाने मारेन.” ही कमेंट पाहून चाहत्यांमध्ये एकच हशा पिकला. युवराजचा हा इशारा रागाचा नसून मस्करीतून दिलेला होता, मात्र त्यातून त्यांच्या गुरुच्या जबाबदारीची जाणीव स्पष्ट होते.
ऑस्ट्रेलियाविरुद्धच्या या मालिकेत अभिषेक शर्मा दमदार फॉर्ममध्ये असून त्याने एका सामन्यात अर्धशतक ठोकले आहे. तर शुबमन गिलकडून अजून मोठ्या खेळीची अपेक्षा आहे. दोघेही भारताच्या(Indian) ओपनिंग जबाबदारीवर असून, आगामी दोन सामने टीम इंडियासाठी निर्णायक ठरणार आहेत. भारताला मालिका जिंकण्यासाठी हे दोन्ही सामने जिंकणे आवश्यक आहे.
अशा वेळी युवराज सिंहलाही आपल्या शिष्यांकडून विजयी कामगिरीचीच अपेक्षा आहे. एकेकाळी युवराज स्वतः आपल्या धडाकेबाज फलंदाजीने टीम इंडियाला विजय मिळवून देत असे, आणि आता त्याच भावनेने तो आपल्या पुढच्या पिढीकडे पाहत आहे. युवराजच्या या गंमतीदार इशाऱ्याने क्रिकेटप्रेमींमध्ये पुन्हा एकदा गुरु-शिष्याच्या नात्याची सुंदर झलक पाहायला मिळाली.
हेही वाचा :
‘महिन्याला १० वन नाईट स्टँड, दर रात्रीसाठी…’; प्रसिद्ध अभिनेत्रीबद्दल मोठा गौप्यस्फोट
बिबट्यांच संकट मानवनिर्मित
‘क्रिकेटचा राजा’ आणि ‘चेस मास्टर’ विराट कोहली झाला ३७ वर्षांचा