धर्मेंद्र यांना मुंबईच्या ब्रीच कँडी रुग्णालयातून डिस्चार्ज(discharged) देण्यात आला आहे. आयुष्याशी लढा दिल्यानंतर बॉलीवूड अभिनेता घरी परतला आहे. पीटीआयच्या वृत्तानुसार, धर्मेंद्र यांच्या कुटुंबाने त्यांना घरी नेण्याचा निर्णय घेतला आहे. ब्रीच कँडी येथील डॉक्टरांनी अभिनेत्याला डिस्चार्ज देण्याचा सल्ला दिला आहे. रुग्णालयाबाहेरील एक व्हिडिओ आता सोशल मीडियावरही व्हायरल होत आहे.
पीटीआयच्या वृत्तानुसार, ब्रीच कँडी येथील डॉक्टरांनी धर्मेंद्र यांना बुधवारी सकाळी डिस्चार्ज(discharged) देण्याचा सल्ला दिला. डॉक्टरांच्या सल्ल्यानुसार, अभिनेत्याच्या कुटुंबाने त्यांना रुग्णालयातून घरी नेण्याचा निर्णय घेतला. त्यानंतर त्यांना रुग्णवाहिकेतून घरी नेण्यात आले. त्यांच्यावर उपचार करणाऱ्या डॉक्टरांनी ही माहिती पीटीआयशी शेअर केली. ८९ वर्षीय धर्मेंद्र यांनी अखेर त्यांच्या जीवनाची लढाई जिंकली आहे आणि ते घरी परतले आहेत. रुग्णालयातून डिस्चार्ज मिळाल्यानंतर, अभिनेते त्यांच्या धाकटा मुलगा बॉबी देओलसह रुग्णवाहिकेतून जाताना दिसले आहेत.
श्वास घेण्यास त्रास होत असल्याने धर्मेंद्र यांना मुंबईतील ब्रीच कँडी रुग्णालयात दाखल करण्यात आले होते. त्यांना तेथे व्हेंटिलेटर सपोर्ट देण्यात आला होता. अनेक बॉलीवूड स्टार्स धर्मेंद्र यांच्या प्रकृतीची विचारपूस करण्यासाठी त्यांच्याकडे गेले होते. सलमान खान, शाहरुख खान, आर्यन खान, आमिर खान, गोविंदा आणि अमीषा पटेल यांसारखे दिग्गज स्टार्स रुग्णालयाबाहेर दिसले. तसेच आता अभिनेत्याची तब्येत बरी आहे, चिंताजनक वाटण्यासारखे काही नाही.
कालच, धर्मेंद्र यांच्या मृत्यूच्या अफवा सोशल मीडियावर व्हायरल झाल्या, ज्यामुळे त्यांच्या चाहत्यांमध्ये मोठी चिंता निर्माण झाली. या अफवांनंतर, हेमा मालिनी यांनी अफवा पसरवणाऱ्यांना फटकारले आणि ट्विट केले की त्यांची प्रकृती सुधारत आहे आणि ते स्थिर आहेत. हेमा मालिनी यांच्या आधी, धर्मेंद्र यांची मुलगी ईशा देओल हिनेही इन्स्टाग्राम एका पोस्टद्वारे तिच्या वडिलांच्या आरोग्याविषयी अपडेट शेअर केले होते.
हेही वाचा :
सर्वाधिक शतके ठोकणारे भारतीय, हे 3 दिग्गज कोहली आणि रोहितपेक्षा पुढे…
देशावर दुहेरी संकट! पुढील 24 तास अत्यंत धोक्याचे
इचलकरंजी मधील शहापूर येथे पाव किलो गांजा जप्त…