लाल सिंगी येथील एका हॉटेलबाहेर वाढदिवसाच्या पार्टीदरम्यान बेछूट गोळीबार आणि तलवारीने सपासप हल्ला झाल्याची धक्कादायक घटना समोर आली आहे. या घटनेत संतोषगडचे युवा काँग्रेस नेते आशु पुरी ठार झाले असून, दोन जण गंभीर जखमी झाले आहेत. पोलीस घटनास्थळी तातडीने दाखल झाले असून, सीसीटीव्ही फुटेज आणि साक्षीदारांच्या मतांवरून तपास सुरु केला आहे. मिळालेल्या माहितीनुसार, युवक काँग्रेसचे (Congress)माजी ब्लॉक अध्यक्ष गुरजीत सिंग मान आणि त्यांचे सहकारी परमिंदर सिंग व पुरजिंदर सिंग यांच्यावर हल्ल्याचा आरोप करण्यात आला आहे.
घटनेनुसार, बुधवारी रात्री लाल सिंगी (Congress)येथील हॉटेलमध्ये वाढदिवसाची पार्टी साजरी केली जात असताना, दोन्ही गटांमध्ये वाद सुरु झाला. वाद हॉटेलच्या बाहेर पसरला आणि त्यानंतर गोळीबार व तलवारीसह हल्ला झाला. पोलीस तपासात समोर आले आहे की, आशु पुरी यांच्या डोक्यात आणि गळ्याजवळ अनेक गोळ्या लागल्या, ज्यामुळे त्यांचे जागीच निधन झाले. इतर जखमींना ताबडतोब प्रादेशिक रुग्णालयात दाखल करण्यात आले असून त्यांच्यावर उपचार सुरु आहेत.
पोलीस अधीक्षक अमित यादव यांनी सांगितले की, तीन जणांविरुद्ध आरोपपत्र दाखल केले गेले असून, आणखी पाच जणांना चौकशीसाठी ताब्यात घेण्यात आले आहे. पोलीस सध्या सीसीटीव्ही फुटेज तपासत असून, गोळीबाराच्या सर्व तपशीलांची माहिती गोळा केली जात आहे. घटना शहरात धक्कादायक ठरली असून, पोलिसांनी घटनास्थळी सुरक्षा वाढवली आहे आणि सर्व नागरिकांना संयम राखण्याचे आवाहन केले आहे.
हेही वाचा :
गरम पाण्यात मिठ टाकून पाय बुडवून बसल्यास कोणते आजार बरे होतात?
प्रसिद्ध अभिनेत्रीने थेट आलिया भट्टच्या काकाचा कॉल रेकॉर्डिंग केला लीक
लाडक्या बहिणींसाठी आनंदवार्ता; आता घरबसल्या…