पेरू हे केवळ चविष्ट फळ नसून आरोग्यासाठी अत्यंत उपयुक्त असे सुपरफूड (fruit) मानले जाते. आयुर्वेदात ‘अमृतफळ’ म्हणून ओळखल्या जाणाऱ्या पेरूमध्ये व्हिटॅमिन सी, आहारातील फायबर आणि अँटीऑक्सिडंट्स मुबलक प्रमाणात आढळतात. विशेष म्हणजे संत्र्यांपेक्षा पेरूमध्ये अधिक व्हिटॅमिन सी असते, जे शरीराची रोगप्रतिकारक शक्ती वाढवण्यास मदत करते. त्यामुळे सर्दी, खोकला आणि संसर्गजन्य आजारांपासून संरक्षण मिळते.
पेरू पचनसंस्थेसाठीही फायदेशीर ठरतो. त्यामधील भरपूर फायबर (fruit)पचनक्रिया सुधारते, बद्धकोष्ठतेची समस्या दूर करते आणि आतड्यांची हालचाल नियमित ठेवण्यास मदत करते. त्यामुळे पोटाशी संबंधित तक्रारी असणाऱ्यांसाठी पेरू हा उत्तम पर्याय मानला जातो. याशिवाय पेरूचा ग्लायसेमिक इंडेक्स कमी असल्याने तो रक्तातील साखरेची पातळी नियंत्रित ठेवण्यास मदत करतो. त्यामुळे मधुमेह असलेल्या रुग्णांसाठी तसेच साखर नियंत्रणात ठेवू इच्छिणाऱ्यांसाठी हे फळ विशेष लाभदायक ठरते.
हृदयाच्या आरोग्यासाठीही पेरू उपयुक्त आहे. त्यामधील अँटीऑक्सिडंट्स, पोटॅशियम (fruit) आणि विरघळणारे फायबर खराब कोलेस्ट्रॉल कमी करण्यास मदत करतात तसेच रक्तदाब संतुलित ठेवण्यास सहाय्य करतात. यामुळे हृदयविकाराचा धोका कमी होऊ शकतो. याचबरोबर त्वचेच्या सौंदर्यासाठीही पेरू फायदेशीर मानला जातो. त्यातील व्हिटॅमिन सी आणि अँटीऑक्सिडंट्स मुक्त रॅडिकल्सशी लढा देतात, मुरुमांची समस्या कमी करतात आणि कोलेजनचे उत्पादन वाढवून त्वचेला नैसर्गिक चमक देतात.
तज्ञांच्या मते, पिकलेला पेरू (fruit) स्वच्छ धुवून सालासह खाल्ल्यास त्यातील पोषक तत्त्वांचा अधिक फायदा मिळतो. जेवणाच्या दरम्यान किंवा हलका नाश्ता म्हणून पेरू हळूहळू चावून खाल्ल्यास पचन सुधारते. बिया चघळल्यानेही फायबरचा लाभ मिळतो. याच कारणांमुळे डॉक्टरही पेरूचा आहारात समावेश करण्याचा सल्ला देतात. मात्र, काही विशिष्ट आरोग्य समस्या असल्यास पेरू खाण्यापूर्वी डॉक्टरांचा सल्ला घेणे आवश्यक आहे. त्यामुळेच पेरूला आज ‘सुपरफूड’ म्हणून ओळखले जाते.
हेही वाचा :
आधावरचा पत्ता नाव किंवा ई-मेल चुकलाय? हे App डाउनलोड करा अन् मिनिटांत चुका करा
अजित पवार यांच्या आठवणीत मुलगा जय पवार भावूक; सोशल मीडियावर व्यक्त केल्या भावना
‘या’ जन्मतारखेला जन्मलेली लोक प्रचंड नशीबवान असतात; गुरू ग्रहाची असते मोठी