गॅस आणि अॅसिडिटीची समस्या आजकाल खूप सामान्य झाली आहे. बदलती जीवनशैली, अनियमित (Gas and acidity) आहार आणि तणाव यामुळे अनेकांना छातीत जळजळ, पोट फुगणे किंवा ढेकर येणे अशा तक्रारी सतावत असतात. अशा वेळी काहीजण त्वरित आराम मिळावा म्हणून कोल्ड ड्रिंक पिणे पसंत करतात. ढेकर आल्यामुळे पोट हलके झाल्यासारखे वाटते आणि त्यामुळे आराम मिळाल्याचा भास होतो. मात्र आरोग्य तज्ज्ञांच्या मते हा केवळ तात्पुरता परिणाम असून दीर्घकाळात यामुळे समस्या अधिक वाढू शकते.
कार्बोनेटेड शीतपेयांमध्ये (Gas and acidity) कार्बन डायऑक्साइड वायू, जास्त प्रमाणातील साखर, आम्लयुक्त घटक आणि कृत्रिम फ्लेवर्स असतात. हे घटक पोटातील आम्लाची पातळी वाढवू शकतात आणि आम्लपित्त अधिक तीव्र करू शकतात. कार्बोनेशनमुळे पोटात बुडबुडे तयार होतात, ज्यामुळे दाब वाढून आम्ल अन्ननलिकेकडे वर येऊ शकते. परिणामी छातीत जळजळ, अॅसिड रिफ्लक्स किंवा दीर्घकाळात गॅस्ट्रोइसोफेजियल रिफ्लक्ससारख्या तक्रारी निर्माण होऊ शकतात. नियमितपणे साखरयुक्त शीतपेये घेतल्यास पचनसंस्थेवर ताण येतो आणि फॅटी लिव्हरसारख्या समस्या उद्भवण्याची शक्यता वाढते.
गॅसची समस्या पोटात हवा साचल्यामुळे होते, तर अॅसिडिटी (Gas and acidity) ही पोटातील आम्ल वाढल्यामुळे निर्माण होते. चुकीच्या आहाराच्या सवयी, अतिखाणे, उशिरा जेवणे आणि तणाव या कारणांमुळे या तक्रारी वाढतात. अशा परिस्थितीत कोल्ड ड्रिंक हा योग्य उपाय नाही, असे गॅस्ट्रोएन्टेरोलॉजिस्ट सांगतात. तात्पुरती ढेकर आली तरी त्याने मूळ समस्या कमी होत नाही.
तज्ज्ञांच्या मते, गॅस आणि अॅसिडिटीपासून आराम मिळवण्यासाठी साधे पाणी, कोमट पाणी, ताक, जिरे पाणी, आल्याचा चहा किंवा हर्बल टी अधिक उपयुक्त ठरतात. या नैसर्गिक पेयांमुळे पचन सुधारते आणि पोटातील आम्ल पातळ होण्यास मदत होते. ताकामध्ये असलेले प्रोबायोटिक्स आतड्यांचे आरोग्य सुधारतात. लिंबूपाणी आणि नारळपाणी शरीरातील द्रवपातळी संतुलित ठेवण्यास मदत करतात. घरी बनवलेले साखर न घातलेले फळांचे रसही पोषक असतात.
उन्हाळ्यात थंड पाणी, ताक, लिंबूपाणी किंवा (Gas and acidity) नारळपाणी घेतल्यास शरीर ताजेतवाने राहते आणि घामामुळे कमी झालेली द्रवपातळी भरून निघते. मात्र अतिशय थंड किंवा बर्फ घातलेली पेये वारंवार घेतल्यास घसा दुखणे किंवा पचन मंदावणे यांसारख्या तक्रारी उद्भवू शकतात. साखरयुक्त शीतपेयांचे जास्त प्रमाणात सेवन केल्यास वजन वाढ, दातांचे नुकसान आणि मधुमेहाचा धोका वाढू शकतो.
आरोग्य निरोगी ठेवण्यासाठी संतुलित आहार, नियमित व्यायाम, पुरेसे पाणी आणि तणावमुक्त जीवनशैली आवश्यक आहे. गॅस किंवा अॅसिडिटीची समस्या वारंवार होत असल्यास स्वतःहून उपाय करण्याऐवजी डॉक्टरांचा सल्ला घेणे अधिक सुरक्षित ठरते. नैसर्गिक आणि कमी साखरेची पेये निवडून योग्य प्रमाणात सेवन केल्यास पचनसंस्था निरोगी ठेवणे शक्य आहे.
हेही वाचा :
अल्पवयीन मुलांना सोशल मीडियावर बंदी? केंद्र सरकार घेणार मोठा निर्णय?
टीम इंडियाचा पहिला पराभव, ऑस्ट्रेलिया विरुद्ध मोठी संधी गमावली, काय झालं?
एपस्टीन फाइल्स प्रकरणात सर्वात मोठी अटक! या दिग्गजावर कारवाई होताच जगात खळबळ