बदलत्या जीवनशैलीमुळे अनेक जण आपल्या दिवसाची सुरुवात चहा किंवा कॉफीने करतात. (nutritious) मात्र तज्ञांच्या मते, सकाळी उठल्यानंतर योग्य आणि पौष्टिक अन्न घेतल्यास पचनसंस्था अधिक सुरळीत राहते आणि दिवसभर ऊर्जा टिकून राहते. अशा वेळी केळी आणि खजूर ही दोन फळे विशेष चर्चेत असतात. पण रिकाम्या पोटी नेमकं कोणतं फळ अधिक फायदेशीर ठरतं, याबाबत अनेकांच्या मनात संभ्रम असतो.
केळी हे जगभरात लोकप्रिय असलेले (nutritious) फळ आहे. त्यामध्ये पोटॅशियम, मॅग्नेशियम, व्हिटॅमिन बी6, व्हिटॅमिन सी आणि भरपूर प्रमाणात फायबर असते. त्यामुळे केळी खाल्ल्याने शरीराला त्वरित ऊर्जा मिळते आणि स्नायूंना बळकटी मिळण्यास मदत होते. व्यायाम करणारे किंवा दिवसभर शारीरिक हालचाल करणाऱ्यांसाठी केळी उत्तम पर्याय मानले जाते. मात्र काही लोकांना रिकाम्या पोटी केळी खाल्ल्यास अॅसिडिटी किंवा पोट फुगल्यासारखी समस्या जाणवू शकते. त्यामुळे ज्यांना पोटासंबंधी त्रास आहे त्यांनी सकाळी उठल्याबरोबर केळी खाणे टाळणे योग्य ठरू शकते.
दुसरीकडे, खजूर हे नैसर्गिक गोडवा आणि (nutritious) पोषणमूल्यांनी समृद्ध असे फळ आहे. खजुरामध्ये फायबर, लोह, पोटॅशियम, मॅग्नेशियम आणि अँटिऑक्सिडंट्स मुबलक प्रमाणात असतात. सकाळी रिकाम्या पोटी खजूर खाल्ल्यास पचनक्रिया सुधारण्यास मदत होते आणि बद्धकोष्ठतेसारख्या समस्या कमी होऊ शकतात. तसेच शरीराला झटपट ऊर्जा मिळते. विशेषतः ज्यांना अशक्तपणा किंवा हिमोग्लोबिनची कमतरता आहे, त्यांच्यासाठी खजूर फायदेशीर ठरू शकतो.
वजन वाढवायचे असल्यास केळी आणि खजूर दोन्हीही (nutritious) आहारात समाविष्ट करणे उपयोगी ठरते. दोन्ही फळे उर्जायुक्त असल्याने शरीराला आवश्यक कॅलरी मिळतात. मात्र कोणतेही फळ किती प्रमाणात घ्यायचे, हे आपल्या प्रकृतीनुसार ठरवणे महत्त्वाचे आहे.
एकंदरीत पाहता, ज्यांना पचनाच्या समस्या आहेत त्यांनी रिकाम्या पोटी खजूर खाणे अधिक फायदेशीर ठरू शकते, तर निरोगी व्यक्ती मर्यादित प्रमाणात केळीही खाऊ शकतात. सकाळची सुरुवात पौष्टिक फळांनी केल्यास शरीराला दिवसभरासाठी आवश्यक ऊर्जा आणि पोषण मिळण्यास मदत होते.
हेही वाचा :
महेंद्रसिंह धोनीवर मोठा अन्याय, सत्य समजताच येईल संताप, खळबळजनक माहिती समोर!
मोठी बातमी! बीजेपीचा बांगलादेशमध्ये झेंडा, लोकसभेची एक जागा जिंकली