सरकारच्या ‘विकसित भारत’च्या ध्येयाला आता जागतिक औद्योगिक (developed India) क्षेत्रातील दिग्गज कंपनीची साथ मिळण्याची चिन्हे दिसत आहेत. लक्झरी आणि अत्याधुनिक अभियांत्रिकीसाठी ओळखली जाणारी Rolls-Royce कंपनीने भारतात आपले अस्तित्व अधिक मजबूत करण्याचे संकेत दिले आहेत. कंपनीचे मुख्य कार्यकारी अधिकारी Tufan Erginbilgic यांनी 11 फेब्रुवारी रोजी पंतप्रधान Narendra Modi यांची भेट घेत भारतातील गुंतवणूक आणि सहकार्याबाबत सकारात्मक चर्चा केली.
या भेटीत भारतातील उत्पादन आणि अभियांत्रिकी क्षमता (developed India) वाढवण्यावर विशेष भर देण्यात आला. भारताला केवळ बाजारपेठ म्हणून नव्हे, तर जागतिक स्तरावरील उत्पादन आणि तंत्रज्ञान केंद्र म्हणून विकसित करण्याचा कंपनीचा मानस असल्याचे एर्गिनबिल्जिक यांनी स्पष्ट केले. भारतातील तरुण अभियंते, संशोधक आणि तंत्रज्ञांसोबत भागीदारी करून नवीन तंत्रज्ञान विकसित करण्याची तयारीही त्यांनी दर्शवली.
पंतप्रधान मोदी यांनी सोशल मीडिया प्लॅटफॉर्म एक्सवर या (developed India) भेटीबद्दल समाधान व्यक्त करत भारतातील ऑपरेशन्स विस्तारण्याच्या कंपनीच्या उत्साहाचे स्वागत केले. भारताच्या वाढत्या आर्थिक क्षमतेमुळे जागतिक कंपन्यांचा विश्वास वाढत असून, रोल्स-रॉयसचा हा पुढाकार त्याचेच प्रतीक मानला जात आहे.गेल्या ऑक्टोबरमध्ये ब्रिटनचे पंतप्रधान Keir Starmer यांच्या भारत दौऱ्यादरम्यान भारत-ब्रिटन व्यापार करारावर चर्चा झाली होती. त्या वाटाघाटींमध्येही रोल्स-रॉयसने सहभाग घेतला होता. यावरून भारताशी दीर्घकालीन औद्योगिक आणि तांत्रिक संबंध दृढ करण्याची कंपनीची रणनीती स्पष्ट होते.
कंपनीने विमान, संरक्षण आणि ऊर्जा क्षेत्रातील आपल्या (developed India) दीर्घ अनुभवाचा उपयोग भारताच्या ‘आत्मनिर्भर भारत’ मोहिमेसाठी करण्याची तयारी दर्शवली आहे. ऊर्जा स्वावलंबन, संरक्षण क्षेत्रातील स्वदेशी उत्पादन आणि अत्याधुनिक एआय प्रणाली विकसित करण्यासाठी सहकार्य करण्याचीही कंपनीची भूमिका आहे. भारताला विकसित राष्ट्र बनवण्याच्या प्रवासात औद्योगिक नवकल्पना, तंत्रज्ञान हस्तांतरण आणि स्थानिक कौशल्य विकासाला चालना देणे हेच रोल्स-रॉयसच्या भारतातील पुढील वाटचालीचे केंद्रबिंदू असतील, असे संकेत या भेटीतून मिळाले आहेत.
हेही वाचा :
मुलांसाठी विज्ञान-समर्थित आरोग्यपूरक: ‘वासु सुवर्णप्राशन ड्रॉप्स’चे फायदे आता क्लिनिकली मान्य
कुंडलीतील बुध ग्रह कमकुवत झाल्यास आयुष्यावर कसा होतो परिणाम ?
मोठी बातमी! एकनाथ खडसेंच्या अडचणी वाढल्या, सावदा पोलीस ठाण्यात गुन्हा दाखल, नेमकं काय आहे प्रकरण?