जयसिंगपूर (ता. शिरोळ) : जयसिंगपूर परिसरात पुन्हा एकदा खूनाच्या(murder) घटनेने खळबळ उडाली आहे. उदगाव येथील कृष्णा नदीच्या पात्रालगत रविवारी (२६ ऑक्टोबर) दुपारी तीनच्या सुमारास झालेल्या हल्ल्यात लखन सुरेश घावट उर्फ बागडी (वय ३५, रा. जयसिंगपूर) या तरुणाचा दुर्दैवी मृत्यू झाला.
प्राथमिक माहितीनुसार, लखन घावट हा काही मित्रांसोबत उदगावला पाणीपुरवठा करणाऱ्या जॅकवेल जवळ पार्टीसाठी गेला होता. पार्टीदरम्यान किरकोळ कारणावरून वाद झाला आणि त्याचे रूपांतर हाणामारीत झाले. या झटापटीदरम्यान एका साथीदाराने लखनच्या डोक्यावर दगडाने जबर प्रहार केला. गंभीर जखमी अवस्थेत त्याला सांगली सिव्हिल हॉस्पिटलमध्ये दाखल करण्यात आले. मात्र प्रकृती चिंताजनक असल्याने पुढील उपचारासाठी त्याला खाजगी रुग्णालयात हलवण्यात आले, पण तेथे उपचारादरम्यान त्याचा मृत्यू झाला.
दरम्यान, मृतदेह रक्ताच्या थारोळ्यात सापडल्याने घटनास्थळी पाहणाऱ्यांचे हृदय हेलावले. घटनेची माहिती मिळताच उदगाव पोलिस ठाण्याचे अधिकारी व पथक घटनास्थळी दाखल झाले(murder). पंचनामा करून पोलिसांनी तपासाचे चक्र वेगाने फिरवले असून संशयितांच्या शोधासाठी मोहीम सुरू आहे.
जयसिंगपूर परिसरात अलिकडच्या काळात गुन्हेगारी घटनांची मालिका सुरू असून नागरिकांमध्ये भीतीचे वातावरण निर्माण झाले आहे. काही दिवसांपूर्वीच गल्ली क्रमांक १३ मध्ये सुनील पाथरवट यांच्या खुनाची घटना घडली होती. त्यानंतर आज पुन्हा लखन घावटच्या हत्येमुळे परिसरातील नागरिकांत तीव्र अस्वस्थता आणि संतापाचे वातावरण आहे.
हेही वाचा :
सकाळी उठल्यावर रिकाम्या पोटी पाणी प्यावे का?
मोदी सरकारचं कर्मचाऱ्यांना मोठं गिफ्ट, ती एक मागणी मान्य
‘प्रशांत अन् डॉक्टर तरूणीचे संबंध’ Whatsapp Chatsमधून पोलिसांच्या हाती धक्कादायक माहिती