वर्ल्डकप जिंकल्यानंतर आता रिचा घोषच्या नावावर क्रिकेट स्टेडियम होणार

Bysmartichi

Nov 11, 2025

भारताच्या महिला क्रिकेट(cricket) संघाने घरच्या मैदानावर विश्वचषक जिंकून इतिहास रचला. फायनलच्या सामन्यामध्ये भारताच्या दक्षिण आफ्रिकेला पराभूत करुन दमदार कामगिरी करुन स्वत:ला सिद्ध केले. पश्चिम बंगालच्या मुख्यमंत्री ममता बॅनर्जी यांनी सोमवारी सांगितले की, सिलिगुडीमध्ये एक स्टेडियम बांधले जाईल ज्याचे नाव विश्वचषक विजेती क्रिकेटपटू रिचा घोष यांच्या नावावर असेल. उत्तर बंगालमधील सिलिगुडी हे २२ वर्षीय विकेटकीपर-फलंदाज घोष यांचे जन्मगाव आहे, ज्यांनी महिला विश्वचषक विजयात महत्त्वाची भूमिका बजावली होती.

हरमनप्रीत कौरच्या नेतृत्वाखालील टीम इंडियाने २ नोव्हेंबर रोजी दक्षिण आफ्रिकेला हरवून आयसीसी महिला क्रिकेट विश्वचषक विजेतेपद जिंकले. आयसीसीने सुमारे ४० कोटी रुपयांची बक्षीस रक्कम जाहीर केली आणि बीसीसीआयने ५१ कोटी रुपयांची बक्षीस रक्कम जाहीर केली. यानंतर, राजकारणी आणि राज्य सरकारे त्यांच्या संबंधित खेळाडूंसाठी(cricket) विविध प्रकारचे बक्षीस रक्कम किंवा सन्मान जाहीर करत आहेत. “…रिचा क्रिकेट स्टेडियम चांदमणी टी इस्टेटमध्ये २७ एकर जागेवर बांधले जाईल.

बंगालमधील एक तेजस्वी क्रीडा प्रतिभा असलेल्या रिचाचा सन्मान करण्याचा आणि उत्तर बंगालमधील तरुण क्रिकेटपटूंना प्रोत्साहन देण्याचा हा एक मार्ग आहे,” असे बॅनर्जी यांनी सिलीगुडी येथे पत्रकारांना सांगितले. “राज्य सरकारकडून लवकरच हा प्रकल्प सुरू केला जाईल,” असे ते म्हणाले.शनिवारी पश्चिम बंगाल सरकारने घोष यांना ‘बंग भूषण’ पुरस्काराने सन्मानित केले, त्यांना पोलिस उपअधीक्षक (डीएसपी) म्हणून नियुक्त केले आणि सोन्याची साखळी भेट दिली.

महिला विश्वचषक स्पर्धेत रिचा घोषने उत्तम कामगिरी केली, तिने ८ सामन्यांमध्ये १३३.५२ च्या स्ट्राईक रेटने २३५ धावा केल्या, जो स्पर्धेत सहभागी झालेल्या सर्व फलंदाजांमध्ये सर्वाधिक आहे. या विश्वचषकात रिचा घोष शतक हुकली, पण तिने सर्वाधिक षटकार मारण्याचा विक्रमही केला. महिला विश्वचषकात रिचाने १२ षटकार मारले. तिच्या स्फोटक फलंदाजीसाठी ओळखली जाणारी रिचा ही सिलिगुडीची आहे. विश्वचषक जिंकून घरी परतल्यावर तिचे भव्य स्वागत झाले. बंगाल सरकार आणि क्रिकेट असोसिएशन ऑफ बंगाल ने तिचा सन्मान केला, मुख्यमंत्री आणि CAB अध्यक्ष सौरव गांगुली देखील उपस्थित होते.