मध्यपूर्वेत लोकप्रिय असलेला फालाफल(Falafel) हा एक अतिशय स्वादिष्ट, पौष्टिक आणि कुरकुरीत पदार्थ आहे. मूळतः तो लेबनीज, इस्रायली आणि अरब देशांमध्ये खाल्ला जातो, पण आता जगभरात त्याची लोकप्रियता वाढली आहे. फालाफल हा प्रामुख्याने हरभऱ्याच्या डाळीपासून म्हणजेच चणे पासून तयार केला जातो. त्यात लसूण, कोथिंबीर, कांदा आणि मसाले यांचा वापर केल्यामुळे त्याला एकदम झणझणीत आणि तोंडाला पाणी आणणारा स्वाद मिळतो.
फालाफल हा केवळ शाकाहारी पदार्थ नसून प्रथिनांनी भरपूर असा हेल्दी पर्यायही आहे. विशेष म्हणजे तो डीप फ्राय किंवा एअर फ्राय करून खाल्ला जातो. त्यासोबत ताहिनी सॉस किंवा हुमस दिला तर त्याची चव दुप्पट वाढते. भारतात सुद्धा आता अनेक कॅफे आणि रेस्टॉरंटमध्ये फालाफल पिटा ब्रेड किंवा रोलच्या स्वरूपात सर्व्ह केला जातो. जर तुम्हाला काहीतरी वेगळं, झटपट आणि पौष्टिक खायचं असेल तर ही फालाफल रेसिपी नक्की करून बघा. चला जाणून घेऊया यासाठी लागणारे साहित्य आणि कृती.
साहित्य:
काबुली चणा (भिजवलेले) – १ कप
कांदा – १ मध्यम (चिरलेला)
लसूण – ४-५ पाकळ्या
कोथिंबीर – ½ कप
हिरव्या मिरच्या – २
जिरे पूड – १ टीस्पून
धणे पूड – १ टीस्पून
बेकिंग सोडा – १ चिमूट
मीठ – चवीनुसार
तेल – तळण्यासाठी
सकाळचा नाश्त्यासाठी बनवा अमीर खानची फेव्हरेट डिश ‘Scarambled Egg’, अभिनेत्याने शेअर केलीये रेसिपी
कृती:
यासाठी सर्वप्रथम काबुली चणे ८ ते १० तास पाण्यात भिजवून ठेवा. भिजल्यानंतर त्यातील पाणी काढून टाका.मिक्सरमध्ये हरभरे, कांदा, लसूण, कोथिंबीर आणि हिरव्या मिरच्या घालून एक जाडसर पेस्ट तयार करा. ही पेस्ट खूप बारीक करू नका.आता या मिश्रणात जिरे पूड, धणे पूड, बेकिंग सोडा आणि मीठ घाला. सर्व घटक चांगले एकत्र करा.हाताला थोडं तेल लावून लहान लहान गोळे तयार करा. तुम्हाला हवे असल्यास त्यांना चपटे आकारही देऊ शकता.कढईत तेल गरम करून हे गोळे मध्यम आचेवर सोनेरी रंग येईपर्यंत तळा.तळल्यानंतर फालाफल टिश्यू पेपरवर काढा जेणेकरून अतिरिक्त तेल निघून जाईल.गरमागरम फालाफल ताहिनी सॉस, हमस किंवा पुदिन्याच्या चटणीसोबत सर्व्ह करा.तुम्हाला हवं असल्यास तुम्ही ते तुमच्या आवडीच्या सॉससह खाण्यासाठी सर्व्ह करू शकता.
हेही वाचा :
रोहित-विराटला विजय हजारे ट्रॉफीत खेळावेच लागले…
अंबाबाई, जोतिबा मंदिरसह आदमापूर, नृसिंहवाडी, खिद्रापुरात सुरक्षा यंत्रणेत वाढ
पेन्शनर्सना मोठा धक्का बसणार…