TRAI ने गेल्या वर्षभरात स्पॅम कॉल आणि फसवणूक संदेशांवर मोठी कारवाई केली आहे. याअंतर्गत त्यांनी 21 लाखांहून अधिक मोबाइल(mobile) नंबर बंद केले असून, सतत फसवे संदेश पाठवणाऱ्या सुमारे एक लाख संस्थांना काळ्या यादीत टाकण्यात आले आहे. TRAI ने म्हटले आहे की फसवणूक आणि स्पॅम कॉलची संख्या झपाट्याने वाढत होती, ज्याचा सर्वाधिक फटका सामान्य लोक, विशेषत: वृद्ध आणि डिजिटलदृष्ट्या कमी जाणकारांना बसत होता, म्हणून ही कारवाई करणे आवश्यक होते.
TRAI चे म्हणणे आहे की फक्त स्पॅम कॉल ब्लॉक करणे पुरेसे नाही; लोकांनी TRAI च्या अधिकृत DND अ‍ॅपद्वारे स्पॅम कॉल आणि SMS ची तक्रार करणे आवश्यक आहे, ज्यामुळे अशा नंबरची चौकशी करून ते कायमचे बंद करता येतात. युजर्स फक्त फोनमध्ये नंबर ब्लॉक करतात, पण फसवणूक करणारे इतरांना फसवत राहतात. TRAI ने विशेषतः वृद्ध, महिला आणि डिजिटली अनभिज्ञ युजर्ससाठी ही सूचना दिली आहे की त्यांनी DND अ‍ॅप डाऊनलोड करून कोणताही संशयास्पद कॉल किंवा मेसेज ताबडतोब नोंदवावा.
त्याचबरोबर, TRAI ने लोकांना बँक डिटेल्स, OTP किंवा पर्सनल माहिती फोन, मेसेज किंवा सोशल मीडिया चॅटवर शेअर करू नयेत, असेही आवाहन केले आहे. कोणत्याही सायबर फसवणुकीसाठी राष्ट्रीय सायबर क्राईम हेल्पलाइन 1930 किंवा सरकारी पोर्टलवर तक्रार दाखल करावी. TRAI च्या “Chakshu” फीचरचा वापर करून युजर्स संशयास्पद टेलिकॉम क्रियांची तक्रार करू शकतात.
गेल्या काही वर्षांत फसवणूक करणारे नवीन तंत्रांचा वापर करत आहेत, जसे की KYC अपडेट फसवणूक, बँक खाते ब्लॉक झाल्याचे भासवणे, लकी ड्रॉ जिंकण्याचे आश्वासन देणे किंवा सरकारी अधिकारी म्हणून धमकी देणे. TRAI चा असा विश्वास आहे की युनिफाइड रिपोर्टिंगद्वारे, म्हणजे प्रत्येक युजर DND अ‍ॅपमध्ये तक्रार दाखल करून, येत्या काही महिन्यांत फेक कॉल आणि स्पॅम मेसेजमध्ये लक्षणीय घट होईल. सरकार आणि दूरसंचार विभाग या प्रकरणांवर कठोर कारवाई करत असल्याचे या मोहिमेवरून स्पष्ट झाले आहे(mobile).
हेही वाचा :
जर तुमच्या घरातून एलपीजीचा वास येत असेल तर या चुका अजिबात करू नका
Amazon, Flipkart नव्हे, ‘या’ वेबसाईटवर Free मिळतोय गुगलचा जबदरस्त स्मार्टफोन
टीम इंडियावर मोठं संकट! हातात फक्त एकच संधी शिल्लक