ढोकळा हा पारंपरिक गुजराती पदार्थ असला तरी आज तो संपूर्ण (cooker)भारतात लोकप्रिय झाला आहे. बेसन, दही आणि हलक्या फुलक्या मसाल्यांपासून बनणारा हा पदार्थ आरोग्यासाठीही चांगला मानला जातो. तेल कमी, तळण नाही आणि वाफेवर शिजवलेला असल्यामुळे तो पचनासाठी हलका असतो.ढोकळा म्हटलं की तोंडाला पाणी सुटतं. हलका, पचायला सोपा आणि चवीला अप्रतिम असा ढोकळा हा अनेकांचा आवडता नाश्ता किंवा संध्याकाळचा पदार्थ आहे. विशेष म्हणजे आजच्या धावपळीच्या जीवनात वेळ कमी असतो, स्वयंपाकासाठी वेगळी उपकरणं नसतात आणि तरीही काहीतरी चवदार खायची इच्छा होते.अशा वेळी कुकरमध्ये बनणारा झटपट ढोकळा हा उत्तम पर्याय ठरतो.सांगितलेल्या सोप्या टिप्स वापरून तुम्ही अगदी घरच्या घरी, कोणताही स्टीमर किंवा ओव्हन न वापरता, फक्त कुकरमध्ये 20 मिनिटांत मऊसूत आणि स्पंजी ढोकळा तयार करू शकता. हा ढोकळा विशेषतः बॅचलर्स, नवशिक्या किंवा वेळेची अडचण असणाऱ्यांसाठी खूपच उपयुक्त आहे.
ढोकळ्यासाठी लागणारे साहित्य
ढोकळ्यासाठी लागणारे साहित्य
बेसन – 1 कप
दही – अर्धा कप
पाणी – आवश्यकतेनुसार
आलं-हिरवी मिरची पेस्ट – 1 चमचा
साखर – 1 चमचा
मीठ – चवीनुसार
लिंबाचा रस – 1 चमचा
फ्रूट सॉल्ट – 1 चमचा
फोडणीसाठी
तेल – (cooker)1 टेबलस्पून
मोहरी – अर्धा चमचा
कढीपत्ता – काही पाने
पाणी – 2 ते 3 टेबलस्पून
कुकरमध्ये ढोकळा बनवण्याची सोपी पद्धत
कुकरमध्ये ढोकळा बनवण्याची सोपी पद्धत
सर्वात आधी एका मोठ्या भांड्यात बेसन घ्या. त्यात दही, (cooker)आलं-मिरची पेस्ट, साखर, मीठ आणि लिंबाचा रस घालून नीट मिसळा. नंतर थोडं थोडं पाणी घालत गुळगुळीत आणि गाठी नसलेलं मिश्रण तयार करा. हे मिश्रण फार पातळ किंवा फार घट्ट नसावं.हे पीठ साधारण 10 मिनिटं झाकून ठेवा. यामुळे बेसन चांगलं फुलतं आणि ढोकळा मऊ बनतो. दरम्यान कुकरमध्ये थोडं पाणी घालून तळाशी स्टँड ठेवा आणि कुकर गरम करत ठेवा. लक्षात ठेवा, कुकरची शिट्टी काढून ठेवायची आहे.
ढोकळा शिजला आहे हे कसं पाहावं
ढोकळा शिजला आहे हे कसं पाहावं
आता पीठात सोडा घाला आणि हलक्या हाताने एकदाच मिसळा. (cooker)इनो घालताच पीठ फुलायला लागतं, त्यामुळे जास्त ढवळू नका. लगेच हे मिश्रण तेल लावलेल्या स्टीलच्या किंवा अॅल्युमिनियमच्या भांड्यात ओता.हे भांडं कुकरमध्ये ठेवा, झाकण लावा आणि मध्यम आचेवर साधारण 15 ते 20 मिनिटं वाफ काढा. मध्ये झाकण उघडू नका. 15 मिनिटांनंतर टूथपिक किंवा सुरीने ढोकळा तपासा. ती स्वच्छ बाहेर आली तर ढोकळा तयार झाला आहे.
फोडणी कशी द्यावी?
फोडणी कशी द्यावी?
एका लहान पातेल्यात तेल गरम करा. त्यात मोहरी घाला. मोहरी तडतडली की कढीपत्त्याची पाने घाला. नंतर त्यात 2 ते 3 चमचे पाणी घालून ही फोडणी लगेच तयार ढोकळ्यावर ओता. यामुळे ढोकळा अधिक रसाळ आणि चवदार होतो.
ढोकळा कधी आणि कसा खावा?
ढोकळा कधी आणि कसा खावा?
ढोकळा नाश्त्याला, टिफिनमध्ये किंवा संध्याकाळच्या चहासोबत खूप छान लागतो. सोबत हिरवी चटणी, चिंचेची चटणी किंवा फक्त साधं लोणी लावूनही ढोकळा अप्रतिम लागतो.
सोडा नेहमी शेवटी घाला आणि लगेच ढोकळा(cooker) वाफवायला ठेवा.
सोडा घातल्यानंतर पीठ जास्त ढवळू नका, नाहीतर ढोकळा घट्ट होतो.
कुकरमध्ये शिट्टी लावू नका, फक्त वाफेवर ढोकळा शिजवा.
मध्यम आच ठेवा, जास्त आचेवर ढोकळा कोरडा होऊ शकतो.
ढोकळा कापण्याआधी 5 मिनिटं थंड होऊ द्या.
हेही वाचा :
इचलकरंजी :महाविकास आघाडीला धक्का: सतेज पाटलांच्या पदाधिकाऱ्याचा राहुल आवाडेंसोबत हातमिळवणी
इचलकरंजी : निवडणुका बदलल्या, चेहरे बदलले; पण समस्या तशाच — आश्वासनांच्या जाळ्यात अडकलेली वस्त्रनगरी
बाबा वेंगा : नाही टळणार ही भविष्यवाणी; आता सर्व बदलणार, एक दिवस सर्व जग हिंदू धर्म स्वीकारणार