इचलकरंजी शहराचा ‘भारताचे मँचेस्टर’ असा लौकिक सर्वदूर आहे.(Manchester)एकूणच वस्त्रोद्योग व्यवसाय अडचणीत असल्यामुळे या मँचेस्टरची रया गेली आहे. या शहराला गतवैभव मिळवून देण्याची ताकद आणि शक्ती उपमुख्यमंत्री अजित पवार यांच्यामध्ये आहे.त्यांच्या नेतृत्वाखाली या ‘मँचेस्टर सिटी’ला गतवैभव मिळवून देऊ. इचलकरंजीला स्वच्छ आणि मुबलक पाणी देण्यासाठी कटिबद्ध असल्याची ग्वाही वैद्यकीय शिक्षणमंत्री हसन मुश्रीफ यांनी आज येथे दिली. इचलकरंजी महानगरपालिका निवडणुकीत राष्ट्रवादी काँग्रेस पक्षाच्या प्रभाग क्रमांक तीनमधील उमेदवारांच्या प्रचारार्थ गणेशनगर येथे आयोजित जाहीर सभेत मंत्री मुश्रीफ बोलत होते. अध्यक्षस्थानी माजी आमदार अशोकराव जांभळे होते.मंत्री मुश्रीफ म्हणाले, ‘इचलकरंजी शहरातील सर्व प्रलंबित प्रश्न मार्गी लावू. आमचे नगरसेवक केंद्र आणि राज्य सरकारच्या सर्व कल्याणकारी योजना नागरिकांच्या घराघरांपर्यंत नेण्यासाठी प्रयत्न करतील.
आमच्या सर्व नगरसेवकांच्या माध्यमातून नागरिकांच्या आणि विशेषतः(Manchester) गोरगरिबांच्या कल्याणकारी योजना घराघरांपर्यंत पोहोचतील. यामध्ये वृद्ध निराधार दिव्यांगांसाठी पेन्शन योजना, बांधकाम कामगार कल्याणकारी योजना, बेघरांना मजबूत पक्की घरे, विविध आरोग्याच्या योजना अशा अनेक योजनांचा समावेश आहे.’‘मुश्रीफ यांच्या सहयोगातून इचलकरंजी शहराच्या सर्वांगीण विकासासाठी केंद्र आणि राज्य सरकारच्या माध्यमातून निधी आणण्यासाठी प्रयत्नशील राहणार असल्याचे माजी आमदार जांभळे यांनी सांगितले.
यावेळी ‘राष्ट्रवादी’चे जिल्हाध्यक्ष बाबासाहेब पाटील-आसुर्लेकर, (Manchester)तौफिक मुजावर, इचलकरंजी शहराध्यक्ष सुहास जांभळे, प्रियदर्शनी बेडगे, शिवाजी शिंदे, मनाली नंदुरकर, कार्याध्यक्ष अमित गाताडे, माजी नगरसेवक राजू खोत, विद्या जांभळे, संगीता खोत, जयदीप जांभळे, दिलीप खोत आदी उपस्थित होते.मंत्री मुश्रीफ म्हणाले, ‘माजी आमदार अशोकराव जांभळे यांनी या प्रभागाचा नियोजनबद्ध आणि सर्वांगीण विकास केलेला आहे. दिवंगत नितीन जांभळे हयात असते, तर या प्रभागाची निवडणूक बिनविरोधच झाली असती. त्यांच्यासारख्या अजातशत्रू, लढवय्या आणि जिद्दी कार्यकर्त्यावर नियतीने घाला घातला. या प्रभागातील सर्व उमेदवारांचा विजय हीच त्यांना खऱ्या अर्थाने श्रद्धांजली ठरेल.’
हेही वाचा :
देशातील साखरेच्या उत्पादनात जोरदार उसळी, महाराष्ट्राने युपीला टाकले मागे
एकनाथ शिंदेंचा उद्धव ठाकरेंना मोठा धक्का, शिवसेना शिंदे गटाची ताकद वाढली, मोठा पक्षप्रवेश