राज्यातील तरुणांसाठी एक मोठी आणि महत्त्वाची संधी समोर आली आहे. एसटी महामंडळामध्ये तब्बल 17 हजार 450 पदांसाठी भरती प्रक्रिया लवकरच राबवली जाणार आहे. या भरतीबाबत (recruitment)परिवहन मंत्री प्रताप सरनाईक यांनी महत्त्वाची माहिती दिली आहे.मंत्र्यांनी सांगितले की, या भरतीत कंत्राटी चालक व सहाय्यक पदांसाठी उमेदवारांची निवड होणार आहे. यासाठी 2 ऑक्टोबरपासून निविदा प्रक्रिया सुरू होईल. म्हणजेच या तारखेनंतर भरतीची प्रक्रिया अधिकृतपणे सुरु होईल.
भरतीत(recruitment) यशस्वी झालेल्या उमेदवारांना सुरुवातीपासूनच किमान 30 हजार रुपयांचा पगार मिळणार आहे. म्हणजेच उमेदवारांना पहिल्या दिवसापासून आर्थिक स्थैर्याची हमी असेल.सध्या पदांची संख्या, पात्रता निकष, शैक्षणिक अटी व इतर माहिती जाहीर झालेली नसली तरी, एसटी महामंडळ लवकरच यासंबंधीची सविस्तर जाहिरात प्रसिद्ध करणार आहे. त्यामुळे इच्छुक उमेदवारांनी आपापली शैक्षणिक कागदपत्रे व आवश्यक प्रमाणपत्रे आधीच तयार ठेवण्याचे आवाहन करण्यात आले आहे.
गेल्या अनेक दिवसांपासून एसटीमध्ये नोकरीची संधी मिळावी म्हणून तरुणांची मोठ्या प्रमाणात प्रतीक्षा होती. अखेर ही भरती प्रक्रिया सुरु होत असल्याने हजारो तरुणांचे स्वप्न पूर्ण होणार आहे.
मुख्य ठळक मुद्दे:
एकूण पदे: 17,450
पदांचा प्रकार: कंत्राटी चालक व सहाय्यक
प्रक्रिया सुरू होण्याची तारीख: 2 ऑक्टोबर
सुरुवातीचा पगार: ₹30,000 पासून पुढे
ही भरती तरुणांसाठी रोजगाराची मोठी संधी ठरणार आहे.
हेही वाचा :
दोस्ताच्या बायकोचे अश्लील AI व्हिडिओ तयार केले, ब्लॅकमेल करून
शरद पवारांच्या पक्षाचा कार्यकर्त्याचा गेला जीव; काय आहे नेमकं प्रकरण?
शेतकऱ्यांसाठी 4 टक्के व्याजदरावर 5 लाख रुपयांचे कर्ज…