2000 च्या दशकात मॉडेलिंग आणि बॉलिवूडमध्ये(Bollywood) झपाट्याने प्रसिद्धी मिळवणाऱ्या अभिनेत्री दीपिका पादुकोण आणि कतरिना कैफ यांच्या यशामागे नेमकं काय कारण होतं? उद्योगपती विजय माल्याच्या एका वक्तव्यामुळे यावर नव्याने चर्चा सुरु झाली आहे.
विजय माल्याचं नाव आता बँक घोटाळ्यांमुळे सर्वश्रुत असलं तरी, कधीकाळी तो भारतातील सर्वात चर्चित उद्योगपतींपैकी एक होता. त्याच्या किंगफिशर कॅलेंडरने अनेक मॉडेल्सना ओळख दिली. नुकत्याच झालेल्या एका पॉडकास्टमध्ये विजय माल्याने किंगफिशर कॅलेंडरमधील अभिनेत्रींच्या(Bollywood) यशामागचं रहस्य उघड केलं आहे.
“योग्य मुली निवडल्या आणि त्या स्टार झाल्या” – विजय माल्या :
विजय माल्या म्हणतो, “दीपिका पादुकोण आणि कतरिना कैफ एका रात्रीत स्टार झाल्या. आम्ही किंगफिशर कॅलेंडरसाठी योग्य चेहऱ्यांची निवड केली होती. हे कॅलेंडर केवळ एक ब्रँड नव्हता, तर ते एक मार्केटिंग टूल होतं. या माध्यमातूनच या अभिनेत्री झपाट्याने प्रसिद्ध झाल्या.”
किंगफिशर कॅलेंडर 2003 मध्ये सुरू झालं. त्यात कतरिना कैफ 2003 च्या एडिशनचा भाग होती, तर दीपिका पादुकोण 2006 मध्ये झळकली होती. फोटोग्राफर अतुल कसबेकर यांच्या मार्गदर्शनाखाली तयार झालेलं हे बोल्ड कॅलेंडर त्या काळात खूप गाजलं.
‘कॅलेंडर गर्ल्स’च्या यशातून मिळालेली ओळख :
विजय माल्या पुढे म्हणतो, “या कॅलेंडरमुळे मी व्यक्तिशः काही कमावलं नाही, पण या ब्रँडने चमत्कार घडवले. अनेक तरुणींचं करिअर या माध्यमातून घडलं.”
या घटनेने प्रेरणा घेत दिग्दर्शक मधुर भांडारकरने ‘कॅलेंडर गर्ल्स’ (2025) हा चित्रपट साकारला, ज्यामध्ये मॉडेलिंग क्षेत्रातील अडथळे, संघर्ष आणि यशोगाथा मांडण्यात आल्या.
आज दीपिका पादुकोण आणि कतरिना कैफ या दोघी बॉलिवूडमधील आघाडीच्या अभिनेत्री आहेत. त्यांच्या अभिनयासोबतच स्टाईल आणि सामाजिक सहभागामुळे त्या सतत चर्चेत असतात. मात्र त्यांच्या स्टारडममागे ‘किंगफिशर कॅलेंडर’चा हात होता, हे आता विजय माल्याच्या वक्तव्यातून स्पष्ट झालं आहे.
हेही वाचा :
