भारतात टोयोटाने दमदार कार ऑफर केल्या आहेत. (Toyota Hyryder) ही त्यांची लोकप्रिय कार आहे. आज आपण याच कारच्या फायनान्स प्लॅनबद्दल जाणून घेऊयात.
Toyota Hyryder एसयूव्ही देते
बेस व्हेरिएंटची किंमत 10.95 लाख रुपये आहे
या कारचा मासिक EMI किती असेल 17188 रुपये आहे
भारतीय मार्केटमध्ये अनेक ऑटो कंपन्या आहेत. ज्या बेस्ट कार ऑफर करत असतात. अशीच एक कंपनी म्हणजे Toyota Motors. टोयोटाने देशात अनेक उत्तम कार ऑफर (Toyota Hyryder)केल्या आहेत. ग्राहक देखील कार खरेदी करताना टोयोटाच्या कार्सना पहिले प्राधान्य देत असते. जर तुम्ही सुद्धा नवीन कार खरेदी करण्याचा विचार करत असाल तर Toyota Hyryder तुमच्यासाठी बेस्ट कार ठरू शकते. जर तुम्ही या कारचा बेस व्हेरिएंट खरेदी करण्याचा विचार करत असाल तर ही बातमी तुमच्यासाठीच आहे. चला जाणून घेऊयात 2 लाखांचे डाउन पेमेंट केल्यानंतर तुम्हाला किती मासिक EMI द्यावा लागेल?
Toyota Hyryder ची किंमत किती?
टोयोटाकडून अर्बन क्रूझर हायरायडर SUV चा बेस व्हेरिएंट E म्हणून सादर करण्यात येतो. या कारची एक्स-शोरूम किंमत 10.95 लाख रुपये आहे.
जर ही कार राजधानी दिल्लीमध्ये खरेदी केली, तर त्यावर अंदाजे 1.10 लाख रुपये RTO चार्जेस आणि सुमारे 53,000 रुपयांचा विमा प्रीमियम भरावे लागतील. तसेच TCS शुल्क म्हणून 13,948 रुपये अतिरिक्त द्यावे लागतील. या सर्व खर्चानंतर Toyota Hyryder ची ऑन-रोड किंमत अंदाजे 12.68 लाख रुपये इतकी होते.
2 लाखांच्या डाउन पेमेंटनंतर किती असेल EMI?
जर तुम्ही या कारचा बेस व्हेरिएंट खरेदी केला तर बँक फक्त एक्स-शोरूम किमतीवर तुम्हाला कर्ज देईल. 2 लाखांचे डाउन पेमेंट केल्यानंतर, तुम्हाला बँकेकडून अंदाजे 10.68 लाखांचे कर्ज घ्यावे लागेल. जर तुम्हाला 9% व्याजदराने सात वर्षांसाठी 10.68 लाख दिले गेले, तर तुम्हाला पुढील सात वर्षांसाठी दरमहा 17188 रुपयांचा ईएमआय भरावा लागेल.
किती असेल कारची किंमत ?
जर तुम्ही बँकेकडून 9% व्याजदराने सात वर्षांसाठी 10.68 लाखांचे कार कर्ज घेतले तर तुम्हाला सात वर्षांसाठी दरमहा 17188 रुपयांचा EMI भरावा लागेल. अशा प्रकारे, सात वर्षांमध्ये, तुम्हाला टोयोटा हायराइडरसाठी व्याज म्हणून अंदाजे 3.75 लाख रुपये द्यावे लागतील. तुमच्या कारची एकूण किंमत, एक्स-शोरूम, ऑन-रोड आणि व्याजासह, अंदाजे 16.43 लाख रुपये असेल.
कोणाशी असेल स्पर्धा?
टोयोटा हायराइडरला सब-फोर-मीटर एसयूव्ही म्हणून ऑफर करते. ती Maruti Victoris, Kia Seltos, Hyundai Creta, Honda Elevate, Maruti Grand Vitara, Volkswagen Taigun, Skoda kushaq, Mahindra XUV 700, Scorpio N सारख्या SUVs शी थेट स्पर्धा करते.
हेही वाचा :
आता एकाच दिवसात वटू लागले चेक, नव्या सिस्टिममधील किरकोळ अडचणी झाल्या दूर
100 लोकांनी एकाच वेळी आत्महत्या करण्याची परवानगी मागितली; कारण जाणून धक्का बसेल
शेतकऱ्यांसाठी महत्त्वाची बातमी; कृषी विभागाने घेतला मोठा निर्णय