लातूर शहरातून एक धक्कदायक घटना समोर आली आहे. व्याजासह पैसे परत करून देखील अतिरिक्त व्याजाची मागणी पूर्ण न केल्याने एका तरुणावर तलवार, काठी आणि दगडांनी हल्ला (attacked)केला. यात तरुण गंभीर जखमी झाला आहे. ही संपूर्ण घटना सीसीटीव्हीत स्पष्टपणे कैद झाली आहे. ही घटना शिवाजीनगर पोलीस ठाण्याच्या हद्दीत असलेल्या नाईक चौकात घडली आहे.तरुणावर हल्ला चार जणांनी केला होता. या चौघांचा शोध पोलीस घेत असून,त्यांच्याविरुद्ध गुन्हा दाखल करण्यात आला आहे. या घटनेत गंभीर जखमी झालेल्या तरुणावर लातूरच्या शासकीय वैद्यकीय महाविद्यालयात उपचारासाठी दाखल केले आहे
लातूर येथील अहमदपूर तालुक्यातील रुद्धा गावातील पिता- पुत्राची हत्या झाल्याची घटना समोर आली आहे. त्यांची हत्या करून त्यांचा मृतदेह ग्रामपंचायतच्या पाण्याच्या टाकी परिसरात फेकून (attacked)दिल्याचे समोर आले आहे. मृत पिता-पुत्र हे त्यांच्या गावाजवळील शेतातील आखाड्यावर झोपलेले होते. मृतकाचे नाव शिवराज निवृत्ती सुरनर (वय ७०) आणि विश्वनाथ शिवराज सुरनर (२०) असे आहे.३ नोव्हेंबरच्या मध्यरात्री घडलेली ही घटना ४ नोव्हेंबर रोजी सकाळी उघडकीस आली आहे. सुरनर पिता-पुत्र हे रोजच्याप्रमाणे संध्याकाळी साडेनऊच्या सुमारास शेतातील आखाड्यावर झोपायला गेले होते.
मध्यरात्री अज्ञात व्यक्तींनी त्यांच्या चेहऱ्यावर, तोंडावर आणि गळ्यावर धारदार शस्त्राने अनेक वार करत दोघांना ठार केले आहे. नंतर आरोपींनी त्यांचे मृतदेह शेतातून उचलून ग्रामपंचायतच्या पाण्याच्या टाकीजवळ फेकून दिले. ही घटना दुसऱ्या दिवशी सकाळी समोर आली. सकाळी ही घटना उघडकीस येताच गावात भीतीचे आणि संतापाचे वातावरण पसरले आहे. रुद्धा गावात दोन जीव घेतलेल्या या दुहेरी हत्याकांडाने परिसर हादरला आहे. पोलिस यंत्रणा सतर्क झाली असून, तपासाला वेग देण्यात आला आहे.
न्यायवैद्यक प्रयोगशाळेचे व श्वान पथकाने घटनास्थळी पाहणी केली असून, पोलीस अधीक्षक अमोल तांबे, उपविभागीय अधिकारी अरविंद रायबोले, पोलिस निरीक्षक विनोद मेत्रेवाड यांच्यासह मोठा पोलिस फौजफाटा रूद्धा गावात दाखल झाला होता. ठसे तज्ज्ञांच्या पथकाकडून काही ठिकाणी पाहणी केली असून, मोबाइल फोन तज्ज्ञांनाही पाचारण करण्यात आले होते. या सर्व पथकांकडून आपआपल्या कार्य पद्धतीनुसार पुरावे गोळा करण्यात आले. दरम्यान, मृत पिता-पुत्रांचे मृतदेह शवविच्छेदनानंतर नातेवाइकांकडे सुपूर्द करण्यात आले असून, या प्रकरणी अहमदपूर पोलिस ठाण्यात गुन्हा दाखल करण्यात आला आहे
हेही वाचा :
निवडणुका जाहीर झाल्या! राजकीय हालचाली वाढल्या!
PhonePe वापरकर्त्यांसाठी मोठी बातमी! कंपनीने केली ‘ही’ महत्त्वाची घोषणा
बिटकॉईनमध्ये गुंतवणुकीची हीच योग्य वेळ? पडझडीचा होणार फायदा