राज्यात घरमालक आणि भाडेकरू यांच्यातील वाद कमी व्हावेत (breaking) तसेच भाडेकरार अधिक पारदर्शक व्हावा, यासाठी शासनाने घरमालक-भाडेकरूंवर लागू होणारे नवे नियम जाहीर केले आहेत. या नियमांचे पालन न केल्यास दोन्ही पक्षांवर दंडात्मक कारवाई होऊ शकते. त्यामुळे भाड्याने घर देणारे आणि घेणारे दोघांसाठीही हे नियम अत्यंत महत्त्वाचे ठरणार आहेत.नव्या नियमानुसार भाडेकरार लेखी आणि नोंदणीकृत असणे बंधनकारक करण्यात आले आहे. तोंडी करार किंवा नोंदणीशिवाय केलेले करार कायदेशीर मानले जाणार नाहीत. यामुळे भविष्यातील वाद टाळण्यास मदत होणार असून, करारात भाडे रक्कम, मुदत, ठेव रक्कम आणि अटी स्पष्टपणे नमूद करणे आवश्यक असेल.
घरमालकांना भाडेकरूंकडून ठरावीक मर्यादेपेक्षा जास्त ठेव रक्कम (breaking)डिपॉझिट घेण्यास मनाई करण्यात आली आहे. नियम मोडून जास्त रक्कम घेतल्यास घरमालकांवर दंड होऊ शकतो. तसेच भाडेकरूने घर रिकामे केल्यानंतर ठरावीक कालावधीत ठेव रक्कम परत देणे बंधनकारक आहे.भाडेकरूंनाही काही जबाबदाऱ्या घालून देण्यात आल्या आहेत. घराचा वापर केवळ करारात नमूद उद्देशासाठीच करणे आवश्यक असून, घराचे नुकसान झाल्यास त्याची भरपाई करावी लागणार आहे. नियमबाह्य वापर किंवा बेकायदेशीर बदल केल्यास भाडेकरूवर कारवाई होऊ शकते.
घरमालकांनी भाडेकरूला कोणतीही पूर्वसूचना न देता घरातून (breaking)काढणे किंवा पाणी-वीज सुविधा बंद करणे बेकायदेशीर ठरणार आहे. त्याचप्रमाणे भाडेकरूंनीही वेळेवर भाडे न भरल्यास दंड आणि कायदेशीर कारवाईला सामोरे जावे लागू शकते.या नव्या नियमांमुळे घरमालक-भाडेकरू संबंध अधिक संतुलित आणि सुरक्षित होण्याची अपेक्षा व्यक्त केली जात आहे. नियमांची अंमलबजावणी काटेकोरपणे होणार असल्याने, नागरिकांनी याची माहिती घेऊनच व्यवहार करावा, असे आवाहन प्रशासनाकडून करण्यात आले आहे.
हेही वाचा :
प्रियांका गांधींची भावी सून अविवा बेग किती कोटींची होणार मालकीण ?
रात्री उशिरा जेवण करणं आताच थांबवा, अन्यथा पोटाच्या ५ आजारांचा धोका,
महिला पोलिसाच्या १३ वर्षीय मुलीवर बलात्कार, सावत्र बापाचं भयंकर कृत्य