रविवारी अनेकांच्या घरी नॉनव्हेजचा प्लॅन बनतो(delicious) म्हणूनच आज आम्ही तुमच्यासाठी विकेंड स्पेशल एक चविष्ट आणि पाहता क्षणी तोंडाला पाणी सुटेल अशी चिकनची रेसिपी घेऊन आलो आहोत.
भारतीय पाककृतीत “शाही” हा शब्द ऐकताच आपल्याला दरबारातील राजेशाही जेवण, सुगंधी मसाले, नाजूक चव आणि श्रीमंतीचा स्पर्श यांची आठवण होते.(delicious) मुघलकालीन स्वयंपाकातून शाही डिशेसची परंपरा सुरु झाली आणि त्यात कोफ्ता करीला विशेष स्थान मिळाले. कोफ्ते म्हणजे मांस किंवा भाज्या वापरून तयार केलेले गोल मऊसर गोळे, जे मसालेदार ग्रेव्हीत शिजवले जातात. शाही चिकन कोफ्ता ही अशीच एक डिश आहे जी आपल्या जेवणाला दरबारी टच देते.
या डिशमध्ये चिकनच्या कीम्याचे छोटे मऊसर कोफ्ते तयार करून ते काजू, क्रीम आणि दुधी मसाल्याच्या श्रीमंत ग्रेव्हीत टाकले जातात. ही डिश लग्न, खास पाहुण्यांसाठीचा बेत किंवा एखाद्या खास रात्रीच्या जेवणासाठी अगदी योग्य ठरते. गरमागरम नान, बटर पराठा किंवा जीराराईससोबत ही रेसिपी अतिशय अप्रतिम लागते. चला तर मग जाणून घेऊया यासाठी लागणारे साहित्य आणि कृती.
साहित्य:
कोफ्त्यासाठी:
चिकन कीमा – ५०० ग्रॅम
आलं-लसूण पेस्ट – १ टेबलस्पून
हिरवी मिरची – २
कोथिंबीर – २ टेबलस्पून
बेसन – २ टेबलस्पून
मीठ – चवीनुसार
गरम मसाला – ½ टीस्पून
ग्रेव्हीसाठी:
कांदे – २
टोमॅटो – २
काजू – १०-१२
आलं-लसूण पेस्ट – १ टेबलस्पून
दही – २ टेबलस्पून
क्रीम – ३ टेबलस्पून
हळद – ½ टीस्पून
लाल तिखट – १ टीस्पून
धणे-जिरे पावडर – १ टीस्पून
गरम मसाला – १ टीस्पून
तूप/तेल – ३ टेबलस्पून
मीठ – चवीनुसार
कोथिंबीर – सजावटीसाठी
कृती:
यासाठी सर्वप्रथम चिकन कीम्यात आलं-लसूण पेस्ट, मिरची, कोथिंबीर, बेसन, मीठ व गरम मसाला घालून छान मळून घ्या.
तयार मिश्रणाचे लहान लहान गोळे बनवा आणि हलक्या तेलात तळून घ्या.
कांदे तूपात सोनेरी होईपर्यंत परता आणि थंड झाल्यावर मिक्सरमध्ये पेस्ट करा.
एका कढईत तूप गरम करून त्यात आलं-लसूण पेस्ट, कांदा पेस्ट, टोमॅटो प्युरी घालून परता.
आता त्यात हळद, तिखट, धणे-जिरे पावडर, मीठ घालून मध्यम आचेवर छान परता.
काजू पेस्ट आणि दही घालून ग्रेव्ही घट्ट होईपर्यंत परता.
आता या ग्रेव्हीत थोडे पाणी घाला आणि तळलेले चिकन कोफ्ते टाका. झाकण ठेवून ८-१० मिनिटे मंद आचेवर शिजू द्या.
शेवटी क्रीम आणि गरम मसाला घालून छान हलवा. वरून कोथिंबीर घालून सजवा.
गरमागरम शाही चिकन कोफ्ता नान, तंदूरी रोटी, बटर पराठा किंवा जीराराईससोबत सर्व्ह करा.
हेही वाचा :
मराठा आरक्षण मार्गातील सर्वात मोठा अडथळा दूर
राज आणि उद्धव यांची युती झाली तर? शरद पवार स्पष्टच बोलले
शाहरुखने ‘या’ चित्रपटात कॅमेऱ्यासमोर दिलेला न्यूड सीन, इंटीमेट सीनंतर झाली होती अटक