शेअर बाजारातील गुंतवणूकदारांसाठी एक मोठी आणि महत्त्वाची बातमी कोटक महिंद्रा बँकेकडून समोर आली आहे. खाजगी क्षेत्रातील या दिग्गज बँकेनं(bank) तब्बल 15 वर्षांनंतर पुन्हा एकदा शेअर्सच्या विभाजनाचा म्हणजे स्टॉक स्प्लिटचा प्रस्ताव मांडण्याची तयारी केली आहे. यासाठी 21 नोव्हेंबर रोजी एक विशेष बैठक बोलावण्यात आली असून, त्यात शेअर्सच्या दर्शनी मूल्याशी संबंधित मोठा निर्णय घेतला जाण्याची शक्यता बळावली आहे.मिळालेल्या प्रारंभिक माहितीनुसार, प्रतिष्ठित वृत्तसंस्थांनी या बैठकीत स्टॉक स्प्लिटवर गंभीर चर्चा होणार असल्याची पुष्टी केली आहे. शेअर बाजारातील तज्ज्ञांच्या मते, स्टॉक स्प्लिट झाल्यास शेअर्सची लिक्विडिटी वाढते आणि छोट्या गुंतवणूकदारांसाठी किंमत अधिक सुलभ होते. त्यामुळे या बैठकीकडे गुंतवणूकदारांचे लक्ष वेधले गेले आहे.
कोटक महिंद्रा बँकेनं याआधी 2010 मध्ये स्टॉक स्प्लिट केला होता. तेव्हा शेअर्सचे दर्शनी मूल्य 10 रुपयांवरून कमी करून 5 रुपये करण्यात आले होते. ही बँकेची (bank)आपल्या गुंतवणूकदार-केंद्रित धोरणाची एक महत्त्वाची नोंद मानली जाते. त्यानंतर दहा वर्षांनी म्हणजे 2015 मध्ये बँकेने 1:1 प्रमाणात बोनस शेअर्सचे वाटप केले होते, जे गुंतवणूकदारांसाठी फायद्याचे ठरले.आजही बँकेच्या शेअर्सचे दर्शनी मूल्य 5 रुपये आहे. तथापि, 21 नोव्हेंबरच्या बैठकीत नेमक्या कोणत्या प्रमाणात स्टॉक स्प्लिट होणार याबद्दल अधिकृत माहिती अद्याप समोर आलेली नाही. पाच ते सहा दिवसांत होणाऱ्या या निर्णयामुळे शेअर्स पुन्हा एकदा गुंतवणूकदारांच्या फोकसमध्ये आले आहेत.
दरम्यान, बँकेनं सप्टेंबर तिमाहीचे निकाल जाहीर केले असून यात काही महत्वाचे ट्रेंड दिसून आले आहेत. बँकेचा निव्वळ नफा 3,253 कोटी रुपये नोंदवला गेला, जो वार्षिक आधारावर 2.7 टक्क्यांनी कमी आहे. तरीही निव्वळ व्याज उत्पन्नात 4 टक्के वाढ होत ते 7,731 कोटींच्या स्तराला पोहोचलं आहे.निव्वळ व्याज मार्जिन 4.54 टक्के इतकाच स्थिर राहिला असून ऑपरेटिंग नफ्यात वार्षिक आधारावर 3 टक्क्यांनी वाढ होऊन तो 5,268 कोटींवर गेला आहे. या तिमाहीत बँकेच्या तरतुदी 947 कोटी रुपयांच्या होत्या. विशेष म्हणजे बँकेच्या मालमत्तेची गुणवत्ता सुधारली असून एकूण एनपीए 6,480 कोटी झाले आहेत, जे मागील तिमाहीतील 6,638 कोटींपेक्षा कमी आहेत.
कोटक महिंद्रा बँकेच्या शेअर्सनी या वर्षात आतापर्यंत 16 टक्के परतावा दिला आहे. 14 नोव्हेंबर रोजी शेअरची किंमत 2,075 रुपये नोंदली गेली. आगामी स्टॉक स्प्लिटच्या बातमीमुळे शेअर्सबाबत गुंतवणूकदारांमध्ये नवीन उत्सुकता आणि आशावाद निर्माण झाला आहे. स्टॉक स्प्लिटनंतर शेअर्सची खरेदी क्षमता वाढेल, ज्याचा सकारात्मक परिणाम बाजारात दिसू शकतो.21 नोव्हेंबरच्या बैठकीत नेमका काय निर्णय घेतला जातो आणि त्याचा बाजारावर कसा परिणाम होतो, याकडे आता सर्व गुंतवणूकदारांचे लक्ष लागले आहे. बँकेच्या गेल्या निर्णयांचा इतिहास पाहता, या वेळीही गुंतवणूकदारांसाठी अनुकूल निर्णयाची अपेक्षा व्यक्त होत आहे.
हेही वाचा :
चालु ट्रकखालून बाईक बाहेर काढण्याचा तरुणाचा स्टंट; थरारक VIDEO पाहून लोक संतप्त, म्हणाले…
Women Cricket World Cup विजयानंतर केंद्रीय करारांमध्ये होणार सुधारणा
गुगलच्या नवीन पिक्सेल 10 वर मिळत आहे 11 हजार रुपयांपेक्षा जास्त सूट